ओधरमीमन ले रखेया काजे पारथना
बजनेया मुखिया काजे किंदरी बाजा संगे “खरज दीस” ने दाउद चो भजन-गीत
12
ए जहोवा, रखेया कर, कसनबलले तुचो गोटोक बले भगत नी बाचलासे,मंजपुर ने कोनी बले पतेयातो लाईक लोग नीआत।
2 सपाय लोग गोटोक-दुसर ले फंद गोटेयायसोत,
हुनमन आपलो टोंडमन ले फोबातो आउर दुय-भेदिया गोट गोटेयायसोत।
3 ए जहोवा, सपाय फोबातो टोंडमन के आउर बड़े-बड़े गोटेयातो गुमानी जीब के काट।
4 हुनमन बलसोत; “आमी आमचो टोंड चो गोट ले ची जीतुंदे
आमचो जीब आमचो हक ने आसे;
फेर कोन आय आमचो मालिक?”
5 जहोवा बलेसे, “गरीबमन चो झीका-उड़मा आउर नानागती लोगमन चो करलानी किरता,
एदांय मय उठेंदे, आउर जोनमन छंडावा पाउक मन करसोत, हुनमन के छंडायंदे।”
6 जहोवा चो बचन सुद आय,
हुन, भाटी ने खुबे हार ताव दिलो
निरवा रूपा असन आय।
7 ए जहोवा, तुय ची नानागती होलो लोग के रखेया करसे,
आउर ए पीड़ी चो लोगमन ले हुनमन के अमदेया बचासे।
8 कसनबलले जेबे लोगमन, घिन-घिना बुता करतो दुसटमन चो मान करसोत,
तेबे हुन दुसटमन गुलाय बाटे गुमान करते बुलसोत।