साहरा काजे बड़े बियान चो पारथना
दाउद, आपलो बेटा अबसालोम† ले डरुन परातो बेरा गावलो भजन-गीत।
3
ए जहोवा, मोचो बयरीमन खुबे होलासे!मोके डाटा-टेवा करतो लोग खुबे आसोत;
2 मोचो बारे ने खुबे लोग बलसोत,
“महापरभु हुनचो जीव के नी बचाये।” निनास
3 मानतर ए जहोवा, तुय मोचो ढाल आस,
तुय मोचो मान आस, आउर तुय ची मोचो इजित के बोहड़ाउ आस।
4 मय चिचियाउन जहोवा के हागदेयंसे,
आउर हुन, आपलो पवितर डोंगरी ले मोके उत्तर देयसे। निनास
5 जहोवा मोके रखेया करेसे;
एईकाजे मय अस्तिर ने सोयंसे; आउर उठेंसे।
6 मय हुन हजारो मनुकमन ले नी डरें
जोनमन मोके भोंवरक बेड़लासे।
7 ए जहोवा, उठ!
ए मोचो महापरभु, मोके बचाव!
हव, तुय मोचो सपाय बयरीमन के थमना ने मारसे;
तुय दुसटमन चो दात के टुटासे।
8 जहोवा बाटले ची मुक्ति मिरेसे;
ए जहोवा, आपलो रयत के बर देस! निनास