जहोवा बाछलो राजा
2
जात-जात चो लोगमन काय काजे बईर करसोत,हुनमन काय काजे फोकाहा उआटमन करसोत?
2 मंजपुर चो राजामन
बललोने, राजपालमन सोर होउन
जहोवा आउर हुनचो बाछलो राजा चो बिरुद ने बलसोत,
3 “इआ, आमी हुनमन चो बांधन के टुटाउन
हुनमन चो हक ले छंडाय होउं।”
4 सरग ने राज करतो परभु हांसेसे;
परभु हुनमन के हांसुन पकायसे।
5 तेबे हुन, हुनमन के रीस ले बलेसे,
आउर जंजाल रीस ले हुनमन के दागा देउन डरायसे,
6 “मय ची, मोचो बाछलो राजा के
पवितर डोंगरी सियोन चो राजगादी ने बसालेसे।”
7 राजा बलेसे: जहोवा दिलो बचन के मय सांगेंदे,
जहोवा मोके बललो, “तुय मोचो बेटा आस, आजी मय तुके जनमाले*।
8 मोचो ले मांग, मय जात-जात चो लोगमन के तुचो हक ने करुन देयंदे,
आउर मंजपुर चो सपाय राजमन के तुचो हक ने करुन देयंदे।
9 तुय हुनमन के लोहा बड़गी ले रन-बन करसे,
तुय हुनमन के हांडी-कुंडरी फुटालो असन छिदरी-बिदरी करसे।”
10 एईकाजे ए राजामन, तुमी बुदंती होआ;
बललोने, ए मंजपुर चो राजपालमन, तुमी ए सिखिया के माना:
11 जहोवा चो आराधना भक्ति ले करा,
पसताउन हुनचेई भर ने राहा,
12 पवितर मन ले हुनचो सेवा करा, नोहले हुनचो रीस ले तुमी उपड़ता मोरासे,
कसनबलले डंडकी ले ची हुन जंजाल रीस होयदे।
हुनचो सरन ने एतो सपाय लोग धन-धन आत।