जरूसलेम ने लोगमन चो गनती बाड़ेसे
11
रयत चो मुखियामन, जरूसलेम ने रते रला आउर लोगमन ए फासला करतो काजे चिटी पकाला कि दस झन ले एकलो पवितर सहर जरूसलेम ने रओ, आउर नव झन जहूदा चो कोनी बले सहर ने रओत। 2 जरूसलेम ने रउक मन करलो लोगमन के सपाय लोग बर दिला।3 जहूदा परघन चो मुखियामन जरूसलेम ने रते रला। इसराएलिमन, पुजारीमन, लेवीमन, आट-पाहरेयामन, आउर सुलेमान चो कमेयामन चो थरलर आपलो-आपलो सहरमन ने आपलाहान निज बाटा ने रते रला। 4 जहूदी बंस चो आदो लोगमन आउर बिनयामीनी बंस चो आदो लोगमन बले जरूसलेम ने रते रला। जरूसलेम ने रलो जहूदी बंस चो लोगमन एमन आत: पेरेस चो थरलर ले महलेल चो बेटा सपत्याह, हुनचो बेटा अमरयाह, हुनचो बेटा जकरियाह, हुनचो बेटा उज्जियाह आउर हुनचो बेटा अतायाह रये। 5 आउर सीलोई बंस चो जकरियाह चो बेटा जोयारीब, हुनचो बेटा अदायाह, हुनचो बेटा हजायाह, हुनचो बेटा कोलहोजे, हुनचो बेटा बारूक आउर हुनचो बेटा मासेयाह रये। 6 पेरेस थरलर चो जितलो लोग जरूसलेम ने रते रला सपाय मिसाउन चार सव तीन कोड़ी आठ झन बीरमन रला।
7 बिनयामीन बंस ले जसायाह चो बेटा इतीएल, हुनचो बेटा मासेयाह, हुनचो बेटा कोलायाह, हुनचो बेटा पदायाह, हुनचो बेटा जोएद, हुनचो बेटा मसुलाम, हुनचो बेटा सल्लू रये 8 आउर हुनमन चो भाई-बंधमन गब्बई आउर सल्लई संगे नव सव एक कोड़ी आठ झन मनुकमन रला। 9 जिकरी चो बेटा जोएल, एमन चो मुखिया रये आउर हस्सनूआ चो बेटा जहूदा, सहर चो नानी मुखिया रये।
10 फेर पुजारीमन ले जोयारीब चो बेटा जदायाह आउर जाकीन†। 11 सरायाह, महापरभु चो मंदिर चो बड़े-पुजारी रये। हुनचो बुआ हिल्कियाह आउर हुनचो पुरखामन मसुलाम, सादोक, मरायोत आउर बड़े-पुजारी अहीतूब रये। 12 आउर हुनमन संगे महापरभु चो मंदिर ने बुता करतो लोग आठ सव एक कोड़ी दुय झन रला। मलकियाह चो बेटा पसहूर, हुनचो बेटा जकरियाह, हुनचो बेटा अमसी, हुनचो बेटा पलल्याह, हुनचो बेटा जरोहाम, हुनचो बेटा अदायाह रये। 13 अदायाह आउर हुनचो भाई-बंधमन दुय सव दुय कोड़ी दुय झन रला। एमन आपलाहान कुटुममन चो मुखियामन रला। अमसई पुजारी, अजरेल चो बेटा आउर अहजई चो नाती रये। अहजई चो बुआ मसिलेमोत आउर हुनचो बुआ इम्मेर रये। 14 अमसई आउर हुनचो भाई-बंधमन बड़े बीरमन रला। हुनमन एक सव दुय कोड़ी आठ झन रला। एमन चो मुखिया हगदोलीम चो बेटा जबदीएल रये।
15 फेर लेवीमन ले, हस्सूब चो बेटा समायाह, (जोन अजरीकाम चो नाती रये। अजरीकाम चो बुआ हसब्याह, हुनचो बुआ बुन्नी रये।) 16 सब्बतई आउर जोजाबाद, महापरभु चो मंदिर बाहरे चो बुता करुमन चो मुखियामन रला। 17 मतन्याह, मीका चो बेटा जबदी चो नाती आउर आसाप चो पुती† रये। आसाप महापरभु चो धन-धन गीत गावतोने मुखिया रये आउर आपलो भाई-बंधमन ले बकबुक्याह दुसर बड़े मुखिया रये। आउर अब्दा, समु चो बेटा गालाल चो नाती आउर जदूतून चो पुती रये। 18 जितलो लेवीमन पवितर सहर ने रते रला सपाय मिसाउन दुय सव चार कोड़ी चार झन रला।
19 देवड़ी राखा-करु अक्कूब आउर तलमोन आउर हुनमन संग चो भाई-बंधमन जोनमन देवड़ी चो राखा करते रला एक सव तीन कोड़ी बारा झन रला। 20 बाचलो इसराएलिमन, हुनमन चो पुजारीमन आउर लेवीमन, जहूदा चो सपाय सहर ने आपलाहान ठानमन ने रते रला। 21 मानतर मंदिर चो आट-पाहरेयामन ओपेल ने रते रला। सीहा आउर गिसपा के हुनमन चो मुखियामन बनाउन रला।
22 जरूसलेम ने रतो लेवीमन चो मुखिया उज्जी रये। हुन बानी चो बेटा आउर हसब्याह चो नाती रये। हसबिया चो बुआ मतन्याह आउर हुनचो बुआ मीका रये। उज्जी, आसाप थरलर चो रये। आसाप थरलर महापरभु चो मंदिर चो गीत-कुरियामन रला। 23 कसनबलले राजा बाटले गोटोक हुकुम निकरुन रये, गीत कुरियामन काजे रोजे खातो बाटा मिरो। 24 जहूदा चो बेटा जेरह चो थरलर मसेजबेल चो बेटा पतहयाह, रयतमन चो सपाय बुता काजे राजा चो सलाकार रये।
जरूसलेम चो बाहरे गांवमन ने रतो लोगमन
25 एदांय जहूदा चो आदो लोगमन आपलो बेड़ा-खाड़ा कमाउन गांवमन ने रते रला। आदो लोग किरियत-अरबा आउर हुनचो गांवमन ने, दीबोन आउर हुनचो गांवमन ने, आउर जकबसेल आउर हुनचो गांवमन ने रते रला। 26 आउर कोनी-कोनी जेसुअ ने, मोलादा ने आउर बेत-पेलेत ने, 27 हसर-सूआल ने, बेरसेबा ने आउर हुनचो गांवमन ने, 28 सिकलग ने, मकोना आउर हुनचो गांवमन ने, 29 एन-रिम्मोन ने, सोरा ने, जरमूत ने 30 जानोह ने, अदुल्लाम ने आउर हुनमन चो गांवमन ने, लाकीस आउर हुनचो बेड़ा-खाड़ामन ने, अजेका आउर हुनचो गांवमन ने रते रला। असने हुनमन बेरसेबा ले धरुन हिन्नोम कड़की लग ले तमु गाड़ुन रते रला। 31 बिनयामीन बंस चो लोगमन, गेबा ले धरुन मिकमास, अय्या, बेतेल आउर हुनमन चो गांवमन ने, 32 अनातोत ने, नोब ने, अनन्याह ने, 33 हासोर ने, रामाह ने, गित्तईम ने, 34 हादीद ने, सबोईम ने, नबल्लत ने, 35 लोद ने आउर कारिगिरी करुमन चो ओनो कड़की लग ले रते रला। 36 आउर जहूदा परघन चो कोनी-कोनी लेवीमन, बिनयामीन चो परघनमन ने बसापत करला।