नेहेमियाह 7

सहर भाड़ा जतनाउन सरलो पाछे, मय हुता चो देवड़ीमन ने कपाटमन लगाले आउर देवड़ी राखा-करुमन आउर गीत-कुरियामन आउर लेवी पुजारीमन के आपलो-आपलो बुता सोपले। 2 तेबे मय, राजभाड़ा चो मुखिया हनन्‍याह संगे आपलो भाई हनानी के, जरूसलेम चो हकदार बनाले। कसनबलले हननिया पतेयातो लाईक आउर सपाय ले आगर महापरभु के डरते रलो। 3 मय हुनमन के बलले, “टंग-टंगा उजर होले ची जरूसलेम चो देवड़ी-कपाट के उगाड़ा आउर राखा-जागा करुमन रलोदांय ची देवड़ी-कपाट के ढाकुन सिकरा लगाहा। फेर तुमी जरूसलेम ले खिंडिक लोग के बाछुन हुनमन ले आपलो-आपलो काजे ठेबालो ठानमन ले राखा-जागा कराहा आउर कोनी-कोनी आपलाहान घर चो पुरे राखा-जागा करोत।” 4 सहर खुबे लाम-ओसार रये, मानतर हुता खिंडिक असन लोग रला आउर घरमन नी बनाउन रला।

कयद ले बोहड़ुन ईलो लोग चो पुरखापाटी

5 तेबे मोचो महापरभु, नाव-कमालो सियानमन, मुखियामन आउर रयतमन के रूंडा करुन हुनमन चो पुरखा चो बंस हिसाब ले हुनमन चो गनती करतो काजे मोचो मन के उकसालो। सपाय ले आगे जरूसलेम ने ईलो पुरखापाटीमन चो नाव लिखलो किताप मोके मिरली।

6 हुन किताप ने असन लिखलोर रली, बेबीलोन चो राजा नबूकदनेसर एमन के कयदी बनालो, हुताले हुनमन छंडाय होउन आपलाहान सहर जरूसलेम आउर जहूदा ने ईला। 7-8 जरूबाबेल, जेसुअ, नेहेमियाह, अजरिया, राम्‍या, नहमानी, मोरदकय, बिलसान, मिसपेरेत, बिगवई, नहूम आउर बानाह संगे ईलो इसराएलिमन चो गनती ए आय: परोस चो थरलर दुय हजार एक सव तीन कोड़ी बारा, 9 सपत्‍याह चो थरलर तीन सव तीन कोड़ी बारा, 10 आरह चो थरलर छय सव दुय कोड़ी बारा, 11 पहत-मोआब चो थरलर बललोने, जेसुअ आउर जोआब चो थरलर दुय हजार आठ सव अठारा, 12 एलाम चो थरलर एक हजार दुय सव दुय कोड़ी चवदा, 13 जत्‍तू चो थरलर आठ सव दुय कोड़ी पांच, 14 जक्‍कई चो थरलर सात सव तीन कोड़ी, 15 बिनूई चो थरलर छय सव दुय कोड़ी आठ, 16 बेबई चो थरलर छय सव एक कोड़ी आठ, 17 अजगाद चो थरलर दुय हजार तीन सव एक कोड़ी दुय, 18 अदोनीकाम चो थरलर छय सव तीन कोड़ी सात, 19 बिगवई चो थरलर दुय हजार तीन कोड़ी सात, 20 आदीन चो थरलर छय सव दुय कोड़ी पंदरा, 21 हिजकियाह जेके आतेर बले बलुआत हुनचो थरलर चार कोड़ी अठारा, 22 हासूम चो थरलर तीन सव एक कोड़ी आठ, 23 बेसई चो थरलर तीन सव एक कोड़ी चार, 24 हारीप चो थरलर एक सव बारा, 25 गिबोन चो थरलर चार कोड़ी पंदरा, 26 बेतलहम आउर नतोपाह सहरमन चो लोगमन एक सव चार कोड़ी आठ, 27 अनातोत सहर चो लोगमन एक सव एक कोड़ी आठ, 28 बेत-अजमावेत चो लोगमन दुय कोड़ी दुय, 29 किरयत-आरीम, कपीरा आउर बेरोत सहरमन चो लोगमन सात सव दुय कोड़ी तीन, 30 रामा आउर गेबा सहरमन चो लोगमन छय सव एक कोड़ी एक, 31 मिकमास सहर चो लोगमन एक सव एक कोड़ी दुय, 32 बेतेल आउर एय सहरमन चो लोगमन एक सव एक कोड़ी तीन, 33 नबो सहर चो लोगमन दुय कोड़ी बारा, 34 एलाम सहर चो लोगमन बारा सव दुय कोड़ी चवदा, 35 हारीम सहर चो लोगमन तीन सव एक कोड़ी, 36 जरीहो सहर चो लोगमन तीन सव दुय कोड़ी पांच, 37 लोद, हादीद आउर ओनो सहरमन चो लोगमन सात सव एक कोड़ी एक, 38 आउर सना सहर चो लोगमन तीन हजार नव सव एक कोड़ी दस झन रला।

39 फेर पुजारीमन बललोने, जेसुअ चो कुटुम ले जदायाह चो थरलर नव सव तीन कोड़ी तेरा, 40 इम्‍मेर चो थरलर एक हजार दुय कोड़ी बारा, 41 पसहूर चो थरलर एक हजार दुय सव दुय कोड़ी सात, 42 आउर हारीम चो थरलर एक हजार सतरा झन रला।

43 फेर लेवीमन एमन आत: जेसुअ आउर कदमिएल चो थरलर ले होदव्‍याह चो कुटुम ले तीन कोड़ी चवदा, 44 गीत-कुरियामन एमन आत: आसाप चो थरलर ले एक सव दुय कोड़ी आठ, 45 देवड़ी राखा-करुमन एमन आत: सल्‍लूम, आतेर, तल्‍मोन, अक्‍कूब, हतीता, सोबई एमन चो सपाय थरलर मिसुन एक सव एक कोड़ी अठारा झन रला।

46 मंदिर चो सेवा करुमन एमन चो थरलर रला: सीहा, हसूपा, तब्‍बाओत, 47 केरोस, सीअहा, पादोन, 48 लबाना, हगबा, सलमई, 49 हानान, गिद्‍दल, गहर, 50 रायाह, रसीन, नकोदा, 51 गज्‍जाम, उज्‍जा, पासेह, 52 बेसई, मूनीम, नपीसीम, 53 बकबूक, हकूपा, हरहूर, 54 बसलीत, महीदा, हरसा, 55 बरकोस, सीसरा, तेमह, 56 नसीह आउर हतीपा।

57 फेर सुलेमान चो कमेयामन एमन चो थरलर रला: सोतई, सोपेरेत, परीदा, 58 जाला, दरकोन, गिद्‍देल 59 सपत्‍याह, हत्‍तील, पोकरेत-हसबायीम आउर आमोन।

60 मंदिर चो सेवा करुमन आउर सुलेमान चो कमेयामन चो थरलर तीन सव चार कोड़ी बारा झन रला।

61 ए हुनमन चो नावमन आय जोनमन तेलमेलह, तेलहरसा, करूब, अद्‍दोन आउर इम्‍मेर सहरमन ले जरूसलेम ने ईला, मानतर हुनमन आपलो कुटुम आउर पुरखापाटी इसराएल चो आत बलुन सांगुक नी सकला। 62 दलायाह, तोबियाह आउर नकोदा चो थरलर, ए सपाय मिसुन छय सव दुय कोड़ी दुय झन रला। 63 पुजारीमन ले हबायाह, हक्‍कोस आउर बरजिलई चो थरलर। (बरजिलई, गिलाद सहर चो बरजिल्‍लई चो बेटीमन ले गोटोक के बिया होउ रये, आउर हुनीमन चो नाव ले हुनके जानला)। 64 एमन आपलो पुरखापाटी चो नाव लिखलो किताप ने आपलो नाव डगराला मानतर नी मिराला। एईकाजे हुनमन के असुद मानुन पुजारीपन ले गुचाला। 65 राजपाल हुनमन के बललो, “जिदलदांय ले उरीम आउर तुमीम पींदुन पुजारी महापरभु चो इछा के नी जानेदे हुदलदांय ले तुमी मंदिर चो काई पवितर खादी-पीदी के खाउक नी सकासे।”

66 सपाय मंडली चो लोग मिसुन बयालीस हजार तीन सव तीन कोड़ी होला 67 एमन के छांडुन हुनमन चो कमेया-कमेयीनमन, सात हजार तीन सव एक कोड़ी सतरा झन रला। दुय सव दुय कोड़ी पांच झन गीत कुरिया-कुरीनमन रला। 68 हुनमन लगे सात सव एक कोड़ी सोला ठन घोड़ामन आउर दुय सव दुय कोड़ी पांच ठन गदाहामन, 69 चार सव एक कोड़ी पंदरा ऊंटमन आउर छय हजार सात सव एक कोड़ी गदहामन रला।

70 खुबे इसराएली कुटुम-मुखियामन मंदिर बनातो बुता काजे दान दिला। राजपालमन एक हजार सोन चो सिक्‍कामन^*, दुय कोड़ी दस परात आउर पांच सव एक कोड़ी दस पुजारीमन चो पींदतो फटईमन दिला। 71 इसराएली कुटुम चो कोनी-कोनी मुखियामन, एक कोड़ी हजार सोन चो सिक्‍कामन आउर दुय हजार दुय सव रूपा चो सिक्‍कामन^* दिला। 72 बाचलो रयतमन, बीस हजार सोन चो सिक्‍कामन आउर दुय हजार रूपा चो सिक्‍कामन^* आउर पुजारीमन चो पींदतो तीन कोड़ी सात फटईमन दिला।

73 असन बरन ले पुजारीमन, लेवीमन, देवड़ी राखा-करुमन, गीत-कुरियामन, रयत चो आदो लोगमन, मंदिर सेवा करुमन, आउर सपाय इसराएलिमन आपलाहान सहरमन ने बसापत होला।