रूत
चो कहनी
आगे एके पढ़ा
रूत चो कहनी, नियावकरुमन चो समया ई.पू 1375-1050 ने घटलो गोटोक सत कहनी आय। रूत नाव चो गोटोक मोआबिन लेकी चो बिया इसराएली मनुक संगे होउ रये। हुनचो मनुक किलयोन मोरलो पाछे, रूत आपलो इसराएली सतरी नाओमी संगे बेतलहम ने ईली आउर इसराएल चो महापरभु के मानते रये। हुनचो मनुक चो कुटुम ले आउर गोटोक मनुक बोअज संगे फेर हुनचो बिया होली। ए बिया होलो किरता हुन इसराएल देस् चो माहान राजा दाउद चो बड़ाय होली।
नियावकरुमन चो समया ने घटलो ए कहनी, हुन बड़े बिपती के दखायसे जोन महापरभु चो लोग, महापरभु के भुलकलोने हुनमन उपरे पड़ेदे। रूत संगे घटलो गोट हुन बर के दखायसे, जोन इसराएल चो महापरभु चो सरन ने एतोके बिजातीमन के बले मिरेसे। असन बरन ले महापरभु के सतपतेयातो बाटले मोआबिन बायले रूत बले बर पावली।