जहोसू
आगे एके पढ़ा
जहोसू, नून चो बेटा आउर मोसा चो पाटलागा रये। जहोसू चो इबरानी नाव जहोसुआ रये, जेचो अरथ आय, मुक्ति। पाछे मोसा हुनचो नाव जहोसू संगालो, जेचो अरथ आय, जहोवा मुक्ति देउ (गनती 13:16)। मोसा, इसराएलिमन के बाट दखातो काजे जहोसू के बाछुन रये। मोसा मोरलो पाछे, जहोसू के महापरभु दिलो हुकुम हिसाब ले इसराएलिमन, जात-जात चो लोगमन संगे जुद करुन महापरभु चो सकत ले हुनमन के जीतला। असन बरन ले जहोसू, हुनमन के कनान देस् ने अमरालो आउर हुनमन के अस्तिर मिरली। जसन महापरभु बायदा करुन रलो, उसने इसराएलिमन जीतलो हित्तीमन चो सपाय देस् के बललोने, बेर-उदिया उजा बाट चो टंग-टंगा भाटा ले धरुन लबानोन डोंगरी लगले आउर बेर-उदिया बाट चो बड़े फरात नंदी ले धरुन बेर-बुड़ती बाट चो बड़े समदूर, हुनमन चो निज बाटा होतो काजे जहोसू बाटुन दिलो। ए सपाय चो बारे ने जहोसू नाव चो किताप ने लिखलोर आसे।