लेवी बंस के सहरमन देतोर
21
1-2 लेवी बंस चो मुखियामन कनान देस् चो सीलोह सहर ने, एलीआजर पुजारी, नून चो बेटा जहोसू आउर इसराएली बंस चो कुटुम-मुखियामन लगे एउन बलुक मुरियाला, “जहोवा, मोसा बाटले आमके रतो काजे सहरमन आउर हुनी सहरमन चो भोंवरक आमचो जनावरमन के चरातो-भाटामन देतो हुकुम देउ रये।” 3 तेबे जहोवा चो हुकुम हिसाब ले इसराएलिमन आपलाहान निज-बाटामन ले लेवीमन के चरातो-भाटामन आउर सहरमन दिला।4 तेबे कहातेयामन चो कुटुम चो नाव ने चिटी निकरली। एईकाजे हारून पुजारी चो थर-लर लेवी पुजारीमन के, जहूदा, सिमोन आउर बिनयामीन बंस चो बाटामन ले तेराठन सहरमन मिरली।
5 एपरेम, दान आउर आदो मनस्से बंस चो कुटुममन चो बाटा ले, आदो कहातेयामन के चिटी पकालो हिसाब ले दसठन सहरमन मिरली।
6 फेर इसाकार, आसेर, नपताली बंस आउर बासान ने रतो मनस्से बंस चो आदो कुटुममन चो बाटामन ले गेरसोनेयामन के चिटी पकालो हिसाब ने तेराठन सहरमन मिरली।
7 रूबेन बंस, गाद बंस आउर जबूलून बंस चो बाटामन ले मरारीमन चो कुटुममन के बाराठन सहरमन मिरली।
8 जहोवा, मोसा बाटले दिलो हुकुम असन इसराएलिमन, लेवीमन के ए सहरमन संगे चरातो-भाटामन बले चिटी पकालो हिसाब ले दिला।
9 इसराएलिमन, जहूदा बंस आउर सिमोन बंस चो बाटामन ले, जेचो नाव ने चिटी निकरली, हुनके ए सहरमन दिला। 10 पईल चिटी, हारून चो थर-लर कहाती कुटुम चो नाव ने लेवीमन काजे निकरु रये। 11 हुनमन, जहूदा डोंगरी परघन चो किरयत-अरबा* (अनाक चो बुआ, अरबा रये) जेके हेबरोन बले बलुआत, हुनके आउर हुनचो भोंवरक रलो चरातो-भाटामन के दिला। 12 मानतर हेबरोन सहर चो बेड़ामन आउर गांवमन के जपुन्ने चो बेटा कालेब चो हक ने करुन दिला।
13 तेबे हुनमन हारून पुजारी चो थर-लर के, ए सपाय सहरमन के हुनमन चो चरातो-भाटामन संगे दिला: हेबरोन (सरन पावतो सहर), लिबना, 14 जतीर, एसतमो, 15 होलोन, दबीर, 16 एन, जुताह आउर बेत-सेमेस सहरमन। असन करुन हुन दुनो बंस बललोने, जहूदा आउर सिमोन बंस चो बाटामन ले नवठन सहरमन दिला। 17-18 बिनयामीन बंस चो बाटा ले ए चार सहरमन संगे हुनमन चो चरातो-भाटामन गिबोन, गेबा, अनातोत आउर अलमोन बले दिला। 19 असन बरन ले हारून पुजारी चो थर-लर के तेराठन सहरमन आउर हुनमन चो चरातो-भाटामन बले मिरली।
20 फेर लेवी बंस चो बाचलो कहातेया कुटुम के, एपरेम बंस चो बाटा ले सहरमन दिला। 21 हुनमन के, एपरेम चो डोंगरी परघन चो सरन पावतो सहर सकेम, गेजेर, 22 किबसइम आउर बेत-होरोन, ए चारठन सहरमन संगे हुनमन चो चरातो-भाटामन बले दिला 23 आउर दान बंस चो बाटा ले, एलतके, गिबतोन, 24 अयालोन आउर गत-रिमोन। ए चारठन सहरमन के हुनमन चो चरातो भाटामन संगे दिला। 25 आउर आदो मनस्से बंस चो बाटा ले, तानाक आउर गत-रिमोन, ए दुनो सहरमन के हुनमन चो चरातो-भाटामन संगे दिला। 26 असन बरन ले आदो कहातेया कुटुम चो बाटा, दस ठन सहरमन संगे हुनमन चो चरातो भाटामन बले होली।
27 फेर लेवी बंस चो गेरसोनेया कुटुम के, आदो मनस्से बंस चो बाटा ले, सरन पावतो सहर, बासान परघन चो गोलान आउर बेसतरा, ए दुनो सहरमन संगे हुनमन चो चरातो-भाटामन बले दिला। 28 आउर इसाकार बंस चो बाटा ले, किसयोन, दाबरत, 29 जरमूत आउर एन-गनीम, ए चारठन सहरमन संगे हुनमन चो चरातो-भाटामन बले दिला; 30 आउर आसेर बंस चो बाटा ले, मिसाल, अबदोन, 31 हेलकात आउर रहोब, ए चारठन सहरमन संगे हुनमन चो चरातो भाटामन बले दिला। 32 आउर नपताली बंस चो बाटा ले, सरन पावतो सहर गलील परघन चो केदेस, हमोतदोर आउर करतान, ए तीनठन सरन पावतो सहरमन संगे हुनमन चो चरातो भाटामन बले दिला। 33 गेरसोनेयामन चो कुटुम हिसाब ले हुनमन के तेराठन सहरमन संगे हुनमन चो चरातो भाटामन बले मिरली।
34 फेर बाचलो लेवी बंस चो मरारी कुटुम के, जबूलून बंस चो बाटा ले, जोकनाम, करताह, 35 दिमना आउर नहलाल, ए चारठन सहरमन संगे हुनमन चो चरातो भाटामन बले दिला। 36 आउर रूबेन बंस चो बाटा ले बेसेर, जहसा, 37 कदेमोत आउर मेपात, ए चारठन सहरमन संगे हुनमन चो चरातो भाटामन बले दिला। 38 आउर गाद बंस चो बाटा ले, सरन पावतो सहर गिलाद चो रामोत, महनेम, 39 हेसबोन आउर जाजेर ए चारठन सहरमन संगे हुनमन चो चरातो भाटामन बले दिला। 40 असन बरन ले बाचलो लेवी बंस चो मरारी कुटुम के बाराठन सहर, बाटा ने मिरली।
41 इसराएलिमन चो बाटा मंजारे लेवीमन के दुय कोड़ी आठ सहरमन हुनमन चो चरातो भाटामन संगे मिरली 42 ए सपाय सहरमन चो भोंवरक, चरातो भाटामन रली।
43 असनी बरन ले जहोवा इसराएलिमन चो पुरखामन संगे खादलो किरिया हिसाब ले ए सपाय सहरमन हुनमन के दिलो आउर हुनमन, हुन सहरमन के आपलो हक ने करुन हुताय रउक मुरियाला। 44 जहोवा इसराएलिमन चो पुरखा-पाटी संगे खादलो किरिया हिसाब ले गुलाय बाटले हुनमन के अस्तिर करलो, कोनी बयरीमन बले हुनमन चो पुरे उबुक नी सकला, सपाय के जहोवा हुनमन चो हक ने करुन दिलो। 45 जहोवा, जितलो बले भलई चो बायदा इसराएल चो कुटुम संगे करुन रये हुन सपाय पुरा होली, गोटोक के बले नी छांडलो।