सिमोन बंस के दिलो भुंय-बाटा
19
दुसर चिटी, सिमोन बंस चो नाव ने हुनमन चो कुटुम हिसाब ले निकरली; जहूदी बंस चो बाटा मंजारे हुनमन चो बाटा होली। 2 हुनमन चो बाटा चो सहरमन बेरसेबा, सेबा, मोलादा, 3 हसर-सूआल, बालाह, एसेम, 4 एलतोलद, बतूल, होरमा 5 सिकलग, बेत-मरकाबोत, हसर-सूसाह, 6 बेत-लबाओत आउर सारूहेन। तेराठन सहरमन संगे एमन के हुनमन चो गांवमन बले मिरली। 7 फेर एन, रिम्मोन, एतेर आउर आसान, ए चार सहरमन संगे हुनमन चो गांवमन बले मिरली। 8 आउर बालत-बेर जेके नेगेव* चो रामाह सहर बले बलुआत, हुनचो भोंवरक चो सपाय गांवमन बले एमन के मिरली। सिमोन बंस चो बाटा हुनमन चो कुटुम हिसाब ले एईमन होली। 9 जहूदा बंस के मिरलो बाटा थान ले सिमोन बंस के बले बाटा मिरली, कसनबलले जहूदा बंस चो बाटा हुनमन काजे खुबे बड़े रये। एईकाजे सिमोन बंस चो बाटा बले जहूदा बंस चो मंजारे होली।जबुलून बंस के दिलो भुंय-बाटा
10 तीसर चिटी, जबूलून बंस के हुनमन चो कुटुम हिसाब ले निकरली। हुनमन चो निज बाटा चो संद सारीद सहर लग ले अमरली। 11 आउर बेर-बुड़ती बाटे मरअला लग ले दबेसेत होउन जोकनाम चो बेर-उदिया बाट चो बाहार ने अमरली। 12 फेर सारीद ले किंदरुन बेर-उदिया बाटे किसलोत-ताबोर चो संद ने अमरली आउर हुता ले दाबरत बाटले जापी ने गेली। 13 हुता ले बेर-उदिया बाट चो गत-हेफर आउर एत-कासीन ने अमरली आउर रिम्मोन लग ले नेआ बाटे किंदरली। 14 हुता ले हुन संद बेर-उदिया डेबरी बाटे किंदरुन हन्नातोन ने अमरली आउर जिपतह-एल कड़की ने अमरली; 15 आउर कतात, नहलाल, सिमरोन, जिदला आउर बेतलहम। ए बारा सहरमन आउर हुनमन चो भोंवरक रतो गांवमन बले हुनीमन चो बाटा होली। 16 जबूलून बंस चो बाटा हुनमन चो कुटुम हिसाब ले एई सहरमन आउर गांवमन होली।
इसाकार बंस के दिलो भुंय-बाटा
17 चवथा चिटी, इसाकार बंस चो नाव ने हुनमन चो कुटुम हिसाब ले निकरली। 18 आउर हुनमन चो बाटा जिजरेल, कसुल्लोत, सूनेम, 19 हपारेम, सीओन, अनाहरत 20 रबीत, किसयोन, एबेस 21 रेमेत, एन-गनीम, एन-हदा आउर बेत-पस्सेस होली। 22 फेर हुनचो संद ताबोर, सहसूमा आउर बेत-सेमेस लगले अमरली आउर जरदन नंदी ने टेकली। हुनमन के सोला ठन सहरमन आउर हुन सहरमन चो गांवमन मिरली। 23 एई सहरमन हुनमन चो गांवमन संगे कुटुम हिसाब ले इसाकार बंस चो बाटा होली।
आसेर बंस के दिलो भुंय-बाटा
24 पांचवां चिटी, आसेर बंस चो नाव ने हुनमन चो कुटुम हिसाब ले निकरली। 25 हुनमन चो संद हेलकात, हली, बेतेन, अकसाफ, 26 अलाम-मेलेक, अमाद आउर मिसाल रये; बेर-बुड़ती बाटले करमेल आउर सीहोर-लिबनात लग ले होली। 27 फेर बेर-उदिया बाटे किंदरुन बेत-दागोन ने आउर जबूलून चो बाटा लग ले जिपतह-एल कड़की चो बेर-उदिया डेबरी बाटले बेत-एमक आउर नीएल ने गेली; आउर बेर-उदिया डेबरी बाट चो काबूल ने अमरली, 28 आउर हुनमन चो संद एबरोन, रहोब, हम्मोन आउर काना सहर बाटले होउन बड़े सीदोन ने अमरली; 29 आउर हुनमन चो संद हुताले किंदरुन रामाह बाटले भाड़ा बिती सोर सहर ने गेली आउर हुताले किंदरुन होसा बाटले समदूर ने टेकली; हुनमन के बाटा ने महलब, अकजीब, 30 उम्मा, अपेक, रहोब बले मिरली। असने एक कोड़ी दुय सहरमन आउर हुनमन चो गांवमन बले हुनमन के मिरली। 31 एई सहरमन आउर हुनमन चो गांवमन, आसेर बंस चो कुटुम हिसाब ले हुनमन चो बाटा रली।
नपताली बंस के दिलो भुंय-बाटा
32 छटवां चिटी, नपताली बंस चो नाव ने हुनमन चो कुटुम हिसाब ले निकरली। 33 हुनमन चो संद हेलेप, आउर साननीम चो बांज रूक ले अदामी-नेकेब, आउर जबने-एल बाटले लक्कूम जाउन जरदन नंदी कटा टेकली। 34 हुता ले फेर बेर-बुड़ती उजा बाटे किंदरुन अजनोत-ताबोर बाटले हुकोक ने अमरली। आउर बेर-उदिया उजा बाटे जबूलून चो बाटा लगले आउर बेर-बुड़ती बाटे आसेर चो बाटा लग ले आउर बेर-उदिया बाटे जहूदा लग ले जरदन नंदी कटा अमरली। 35 आउर हुनचो भाड़ा बिती सहरमन ए आत: सिद्दीम, सेर, हम्मत, रक्कत, किनेरेत, 36 अदामा, रामाह, हासोर 37 केदेस, एदरेई, एन-हासोर, 38 जिरोन, मिगदल-एल, होरेम, बेत-अनत आउर बेत-सेमेस। असन बरन ले हुनमन के उन्नीस सहरमन आउर हुनमन चो गांवमन बले मिरली। 39 नपताली बंस चो कुटुम हिसाब ले हुनमन चो निज बाटा एई सहरमन संगे हुनमन चो गांवमन बले मिरली।
दान बंस के दिलो भुंय-बाटा
40 सातवां चिटी, दान बंस चो नाव ने हुनमन चो कुटुम हिसाब ले निकरली। 41 आउर दान बंस चो बाटा ने एई सहरमन रली: सोरा, एसताओल, ईर-सेमेस, 42 सालब्बीन, अयालोन, जितलाह 43 एलोन, तिमना, एकरोन 44 एलतके, गिबतोन, बालात, 45 जहूद, बने-बराक, गत-रिमोन, 46 मेयरकोन आउर रक्कोन जोन जापा पुरे चो संद होली। 47 जेबे दान बंस चो बाटा, हुनमन चो हक ले निकरली, तेबे दानीमन, लेसेम ने जाउन हुनमन ले जुद करला। आउर हुनमन के खांडा ले मारुन आपलो हक ने करला आउर हुताय बसापत करला। हुनमन लेसेम चो नाव के गुचाउन आपलो पुरखा चो नाव ने दान संगाला। 48 दान बंस चो बाटा हुनमन चो कुटुम हिसाब ले एई सहरमन आउर हुनमन चो गांवमन होली।
जहोसू के बले भुंय-बाटा मिरतोर
49 जेबे संद हिसाब ले देस् के बाटुन सरली तेबे इसराएलिमन, नून चो बेटा जहोसू के बले आपलो मंजारे बाटा दिला। 50 जहोवा चो बललो हिसाब ले जहोसू चो मांगलो सहर एपरेम चो डोंगरी परघन चो तिमनत-सेराह हुनके दिला। हुन सहर के जतनाउन जहोसू हुताय रउक मुरियालो।
51 एलीआजर पुजारी, नून चो बेटा जहोसू आउर इसराएल बंसमन चो मुखियामन, सीलोह ने मिला-मिसा तम्बु दुआरे जहोवा चो पुरे चिटी पकाउन-पकाउन बाटा करुन दिलोर देसमन एई आय। असन बरन ले हुनमन चो भुंय बाटतो बुता सरली।