आदो मनस्से बंस के आउर एपरेम बंस के दिलो भुंय-बाटा
16
जूसुफ चो थर-लर चो बाटा एई होली: जरीहो लग चो जरदन नंदी ले मुरियाउन जरीहो बाहार चो बेर-उदिया बाटले टंग-टंगा भाटा आउर डोंगरी परघन बाटले बेतेल सहर, 2 आउर बेतेल ले हुन लूज ने अमरली आउर अरकेयामन चो संद बाटले अतारोत ने निकरली। 3 आउर बेर-बुड़ती बाटे जपलेतीमन चो संद ले उतरुन खाले चो बेत-होरोन बाटले होउन गेजेर ने अमरली आउर समदूर के टेकली।4 जूसुफ चो दुनो बेटामन मनस्से आउर एपरेम चो बेटामन आपलाहान बाटा धरला।
5 एपरेम बंस के आपलो कुटुम हिसाब ले मिरलो भुंय-बाटा बेर-उदिया बाटे चो अतरोत-अदार ले धरुन उपर चो बेत-होरोन लगे अमरली। 6 हुताले हुन संद समदूर ने टेकली; बेर-उदिया डेबरी बाटे चो संद मिकमतात ले बेर-उदिया बाटे किंदरुन तानत-सीलोह होते-होते जानोह चो बेर-उदिया लगे अमरली। 7 फेर जानोह ले अतारोत आउर नारा ले जरीहो बाटले जरदन नंदी ने टेकली। 8 फेर हुन संद, तपूह ले धरुन बेर-बुड़ती बाटे काना नाव चो बाहार लग ले समदूर ने टेकली। एपरेम बंस चो बाटा हुनमन चो कुटुममन चो हिसाब ले एई होली। 9 आउर मनस्से बंस चो बाटा थान ले बले एपरेम बंस काजे सहरमन आउर गांवमन दिला। 10 मानतर एपरेमेयामन, गेजेर ने बसापत करलो कनानीमन के नी निकराला। एईकाजे कनानीमन हुनमन चो मंजी एबतले रयसोत आउर हुनमन चो कमेया बुता करसोत।