जहोसू 15

जहूदा बंस के दिलो भुंय-बाटा

चिटी पकातोके, जहूदा बंस चो बाटा हुनमन चो कुटुम हिसाब ले, बेर-उदिया उजा बाटले एदोम चो संद ले होउन सीन चो टंग-टंगा भाटा चो संद सरतले होली। 2 हुनमन चो बेर-उदिया उजा बाट चो संद, लोनचर समदूर^* चो बेर-उदिया उजा बाट चो धाड़ी ले मुरियाउन 3 अकरबीम चेगानी चो बेर-उदिया उजा बाटले सीन होते-होते कादेस-बरने चो बेर-उदिया उजा बाटे गेली, फेर हेसरोन बाटले होउन अदार लग ले करका बाटे किंदरली। 4 हुताले असमोन बाटले मिसर चो बाहार लग ले महासमदूर ने जाउन टेकली। एई हुनमन चो बेर-उदिया उजा बाटे चो संद होली। 5 फेर जहूदा चो बेर-उदिया बाट चो संद, लोनचर समदूर ने जरदन नंदी मिसतो थाने अमरली आउर बेर-उदिया डेबरी बाट चो संद, जरदन नंदी चो मूर आउर लोनचर समदूर चो धाड़ी ले मुरियाउन 6 बेत-होगला अमरली; आउर बेत-अराबा चो बेर-उदिया डेबरी बाटले बोहन पकना (रूबेन चो बेटा बोहन) लग ले चेगली; 7 फेर आकोर कड़की ले दबीर बाटे गेली, आउर बेर-उदिया डेबरी बाटे किंदरुन गिलगाल ने गेली जोन कड़की चो बेर-उदिया उजा बाट चो अदुमीम चेगानी पुरे आसे। हुताले संद एन-सेमेस पानी-पजरा बाटले एन-रोगेल ने अमरली। 8 फेर हुन संद बेन-हिन्‍नोम कड़की चो बेर-उदिया उजा बाट चो चेगानी बाटले (जबूसीमन रतो जरूसलेम ने) डोंगरी सिग ने अमरली जोन बेन-हिन्‍नोम कड़की चो बेर-बुड़ती बाटे आसे, आउर रपाईम कड़की चो बेर-उदिया डेबरी बाटे आसे। 9 फेर डोंगरी ले नेपतोह नाव चो पजरा ने गेली, आउर एपरोन डोंगरी चो सहरमन ने निकरली; आउर हुताले बाला ने (जेके किरयत-आरीम बले बलुआत) अमरली, 10 फेर बाला ले बेर-बुड़ती बाटे किंदरुन सेईर डोंगरी ने अमरली, आउर जारीम डोंगरी (जेके कसालोन बले बलुआत) चो बेर-उदिया डेबरी बाटले बेत-सेमेस ने गेली। आउर हुताले तिमना ने अमरली। 11 हुताले संद एकरोन चो बेर-उदिया डेबरी बाट चो डोंगरी रेटे ले सिक्‍करोन ने अमरली आउर बालाह डोंगरी बाटले जबनेल अमरली आउर समदूर ने एउन टेकली। 12 बेर-बुड़ती बाटे चो संद, महासमदूर कटा ले होली। जहूदी बंस के हुनमन चो कुटुम हिसाब ले भोंवरक मिरलो बाटा चो संद एई होली।

हेबरोन आउर दबीर के कालेब जीततोर।

13 जहोवा चो हुकुम हिसाब ले जहोसू, जपुन्‍ने चो बेटा कालेब के जहूदा बंस चो लोगमन चो मंजी बाटा दिलो बललोने, किरयत-अरबा दिलो (अरबा, अनाक चो बुआ), जेके हेबरोन बले बलुआत। 14 आउर अनाक चो तीनो बेटामन सेसय, अहीमन, आउर तलमय के कालेब हुताले खेदुन निकरालो। 15 आउर दबीर चो लोगमन ले लड़लो, दबीर चो नाव आगे किरियत-सेपेर रये। 16 कालेब बललो, “जोन बले किरियत-सेपेर के जीतुन आपलो हक ने करेदे हुनके मय मोचो बेटी अकसा के बिया करुन देयंदे।” 17 तेबे कालेब चो भाई कनज चो बेटा ओतनीएल किरियत-सेपेर के जीतलो। तेबे कालेब आपलो बेटी अकसा के ओतनीएल संगे बिया करुन दिलो।

18 जेबे अकसा, ओतनिएल चो घरे ईली तेबे ओतनिएल हुनके आपलो बुआ ले आउर खिंडिक भुंय मांगतो काजे उकसालो^*। अकसा आपलो बुआ लगे गेली, जसन हुन गदाहा ले उतरली तेबे कालेब हुनके पूछलो, “तुय काय काजे ईलीस?” 19 हुन बलली, “मोके बर देस; तुय मोके नेगेव^* चो खिंडिक मरान भुंय तो दिलीसीस, मोके पजरामन बले देस।” तेबे कालेब, उपर चो आउर खाले चो दुनो पजरामन हुनके दिलो।

जहूदा बंस चो सहरमन

20 जहूदा बंस चो बाटा हुनमन चो कुटुममन चो हिसाब ले एई होली: 21 बेर-उदिया उजा बाटे एदोम चो संद लग चो जहूदा बंस चो सहरमन एमन आत: कबसेल, एदेर, जागूर, 22 कीना, दीमोना, अदादा, 23 केदेस, हासोर, जितनान, 24 जीप, तेलेम, बालोत, 25 हासोर-हदता, करियोत-हेसरोन, (जेके हासोर बले बलुआत), 26 अमाम, समा, मोलादा, 27 हसर-गद्‍दा, हेसमोन, बेत-पेलेत, 28 हसर-सूआल, बेरसेबा, बिजयोतया, 29 बाला, इयीम, एसेम, 30 एलतोलद, कसील, होरमा, 31 सिकलग, मद-मन्‍ना, सन-सन्‍ना, 32 लबाओत, सिलहीम, एन, आउर रिम्‍मोन, ए सपाय एक कोड़ी नव^* सहरमन आसोत आउर एमन चो भोंवरक रतो गांवमन बले आसोत।

33 डोंगरी कटा चो सहरमन एमन आत: एसताओल, सोरा, असना, 34 जानोह, एन-गनीम, तपूह, एनाम, 35 जरमूत, अदुलाम, सोको, अजेका, 36 सारेम, अदीतेम, गदेरा आउर गदेरोतेम। ए सपाय चवदा सहरमन आउर एमन चो गांवमन बले आसोत।

37 फेर सनान, हदासा, मिगदल-गाद, 38 दिलान, मिसपे, जोकतेल, 39 लाकीस, बोसकत, एगलोन, 40 कबोन, लहमास, कितलीस, 41 गदेरोत, बेत-दागोन, नामा आउर मक्‍केदा। ए सोला सहरमन आउर एमन चो गांवमन बले आसोत।

42 फेर लिबना, एतेर, आसान, 43 जिपताह, असाना, नसीब, 44 कईला, अकजीब आउर मारेसा, ए नव सहरमन आउर एमन चो गांवमन बले आसोत।

45 एकरोन चो सपाय सहरमन आउर गांवमन, 46 असदोद लग चो एकरोन ले धरुन समदूर लग ले जितरो सहरमन आउर एमन चो गांवमन बले आसोत।

47 फेर असदोद चो सहरमन आउर गांवमन; आउर गाजा, बललोने, जितरो सहरमन मिसर देस् चो बाहार ले धरुन महासमदूर कटा लग ले आसोत।

48 डोंगरी परघन चो सहरमन ए आत: सामीर, जतीर, सोको, 49 दन्‍ना, किरयत-सन्‍ना, (एके दबीर बले बलुआत), 50 अनाब, एसतमो, आनीम, 51 गोसेन, होलोन, आउर गीलो। ए इगारा सहरमन आउर एमन चो गांवमन बले आसोत।

52 फेर अराब, दूमा, एसान, 53 जानीम, बेत-तपूह, अपेका, 54 हुमता, किरयत-अरबा (जेके हेबरोन बले बलुआत), आउर सीओर। ए नव सहरमन आउर एमन चो गांवमन बले आसोत।

55 फेर माओन, करमेल, जीप, जुताह, 56 जिजरेल, जोकदाम, जानोह, 57 कईन, गेबा, आउर तिमना, ए दस सहरमन आउर एमन चो गांवमन बले आसोत।

58 फेर हलहूल, बेत-सूर, गदोर, 59 मरात, बेत-अनोत, आउर एल-तकोन। ए छय सहरमन आउर एमन चो गांवमन बले आसोत।

60 फेर किरयत-बाल (जेके किरयत-आरीम बले बलुआत), आउर रब्‍बा। ए दुय सहरमन आउर एमन चो गांवमन बले आसोत।

61 टंग-टंगा भाटा बिती सहरमन ए आत: बेत-अराबा, मिद्‍दीन, सकाका, 62 निबसान, लोनचर सहर, आउर एनगदी। ए छय सहरमन आउर एमन चो गांवमन बले आसोत।

63 जरूसलेम ने रतो जबूसीमन के जहूदीमन, आपलो मंजी ले निकराउक नी सकला, एईकाजे जबूसीमन एबतले जहूदा बंस चो लोगमन संगे रयसोत।