मोसा हरालो राजामन
12
मोसा चो समया ने इसराएलिमन, जरदन चो हुन पाट बेर-उदिया बाटे अरनोन झोड़ी चो कड़की ले धरुन हेरमोन डोंगरी लगले आउर अराबा चो बेर-उदिया बाट चो सपाय राजामन के मोरते मारला आउर हुनमन चो राजमन के आपलो हक ने करला। हुन राजामन एमन आत : 2 हेसबोन ने रतो एमोरीमन चो राजा सीहोन आदो गिलाद: बेर-उदिया उजा बाट चो अरनोन झोड़ी चो कड़की कटा चो अरोएर सहर, आउर कड़की मंजिगते ले धरुन अम्मोनीमन चो संद जब्बोक नंदी लग ले, 3 आउर किनेरेत चो बेर-उदिया बाटे बेत-जसीमोत ले धरुन अराबा समदूर बललोने, लोनचर समदूर*, आउर पिसगा उतरानी चो बेर-उदिया उजा बाट चो राजमन ने राज करते रये। 4 फेर बाचलो रपाईमन ले बासान चो राजा ओग, जोन असतारोत आउर एदरेई ने रते रये। 5 हेरमोन डोंगरी, सलका, गसूरीमन आउर माकातीमन चो संद लगले सपाय बासान ने आउर हेसबोन चो राजा सीहोन चो संद लग ले बाचलो आदो गिलाद ने राज करते रये। 6 जहोवा चो कमेया मोसा आउर इसराएलिमन एमन के जीतला; मोसा हुनमन चो राजमन के रूबेन बंस आउर गाद बंस आउर मनस्से चो आदो बंस चो हक ने दिलो।जहोसू हरालो राजामन
7 जरदन नंदी चो बेर-बुड़ती बाटे लबानोन कड़की चो बाल-गाद ले धरुन हालाक डोंगरी चो सेईर राजमन चो राजामन के जहोसू आउर इसराएलिमन मारुन हुनमन चो राजमन के आपलो हक ने करला। (जहोसू हुनमन चो राजमन के इसराएलिमन चो बंस हिसाब ले बाटुन दिलो, बललोने, 8 डोंगरी परघन, डोंगरी खाले चो परघन, अराबा उतरानी, टंग-टंगा भाटा, आउर बेर-उदिया उजा बाट चो परघन, हित्ती, एमोरी, कनानी, परिज्जी, हिव्वी आउर जबूसीमन चो राजमन के बाटुन दिलो) एमन चो राजामन ए आत: 9 जरीहो चो राजा; बेतेल लग चो एय चो राजा 10 जरूसलेम चो राजा, हेबरोन चो राजा 11 जरमूत चो राजा, लाकीस चो राजा, 12 एगलोन चो राजा, गेजेर चो राजा 13 दबीर चो राजा, गेदेर चो राजा 14 होरमा चो राजा, अराद चो राजा 15 लिबना चो राजा, अदुलाम चो राजा 16 मक्केदा चो राजा, बेतेल चो राजा 17 तपूह चो राजा, हेफर चो राजा 18 अपेक चो राजा, लस्सारोन चो राजा, 19 मादोन चो राजा, हासोर चो राजा, 20 सिमरोन-मरोन चो राजा, अकसाफ चो राजा, 21 तानाक चो राजा, मगिदो चो राजा, 22 केदेस चो राजा, करमेल थानो जोकनाम चो राजा, 23 बेर-बुड़ती बाटे दोर चो राजा, गिलगाल* थानो गोयीम चो राजा 24 आउर तिरसा चो राजा। असन बरन ले सपाय एक कोड़ी इगारा राजामन रला।