91
1 Nji inda tə ngya da kida ndər səli
ndo uya ɓəlsar da kida shanguɗa ndər gyalkur.
2 Nacha ngə sənda ya na təkəra Tlakəu,
nakə ngə ləgə ɗa ana ndər ɓəla ɗa;
nakə ngə hyel ɗa, ana ka yo wovi.
3 Aka cho dləuya ngha tsa kala ləbam
cha kwa ɓəlatə ngha tsa shiləkə ɗimiɗimi.
4 Cho mbuya ngha ana babəka cha,
ko ngya chilaɓə da kida cha;
mənakəkur nyi kwa ɗa ka ləgəngha kwa ɓlatəngha.
5 A ko ləvər təmachi nə vu'i wa,
ndara pa nda njo shilna nghə puchi wa
6 ndara mwandəzhi nda kwa shili ku kutla
ndara nji ɗimi nda kwa tsa nji tə puchi.
7 Nji dubu kwa dla kuɗəkuɗənyi tə badlar maka,
dubu kumma təwa chisəma ka,
amma a da kwa shili ləhə dzənghə wa.
8 Kəl nda ka la'a tanyi na lya ka
ka la'a ənda nja kwa ɓu nji kəmangər.
9 Maka fiya Tlakə ka ləgə ngha,
maka fiya ndər gyalkur dəhə ka shanguɗa ngha,
10 a nji ɗimi da kwa kuranghə wa,
a mwandəzhi nda kwa shili ləhə dza kwapatu nghə wa.
11 Aka cha kwa sətə chamanyi
ka nda ɓəlatənghə mada bar ko ma'i.
12 Ndo gəzətə nghə na cha nda,
tsaka nda ko tləhi tə hangu wa.
13 Ko ma'i kyatə kəra ləvəri ana kupal sənda kwa uya nghə wa;
ko chinda ləvəri ana pwabu na huɗəhya ka.