Təɗə himi ana tlakala
3
1 Zər ɗa, ngwa ka da far na dlədləɓə nda ya mərtə nghə wa, kəl ja, ka gəzəya tsaubar ɗa ku ɗufwa ka,2 aka ndo tsakətə nnyi fa ɗang nə pya ka ana cho shili na nghə prosperity.
3 Ngwa nyidaa ana jiri nda ba'a ngya nghə wa,
huliya nda tə wulya ka,
tsəftə nda aku ɗufwa ka.
4 Ənga ko uya kwambiyakkur ana tləm mənakə atsa Hyel ana ndəu.
5 Ta'i ka Tlakə ana dəhə ɗufwa ka ngwa ka da ngya zəndə nghə wa,
6 ka usaku aku dəhə laku ngha, ya cho mərtə laku nghə tandarəu.
7 Əngwa fiya kərnghə ka ndər dəma,
ka ləvər Tlakəu ka ngyar səɗimi.
8 Nənna kw anənyi yiyingkur nə dza ka ana taɗər dunama nə ɗihi ngha.
9 Hətə nyi səli nə Tlakə ana gəna ngha,
ana yar tangərma nə sə zwazwa ngha,
10 ana ənga val ngha kwa nyi kwa pa,
giɗa ɓitir anap nghə tsəu kwa nyi na taɗər ɓitir anap.
11 Zər ɗa ngwa ka da ngyar təɗə himi nda Tlakə kwa mər nə nghə wa ya ngwa ka da həɗa na tsə nda cho tsə nghə wa,
12 aka Tlakə kwa ɓu nji'inda cho nyida,
wi nda ada kwa mər nə zər nda cho mər hirgyaɗi ni.
13 Ndər papa'akur nghə ndə nda tə uya dəma,
ndə nda tə uya ngabiya,
14 aka sakəda nyi ndiya tə zənariya ana mənakəkur nyi ndiya tə sənda bəjingha kwa shili ni.
15 Kwaba nyi ndəɗə tə nə rubies,
a vanya sə da nda ko gwa'a nda njo məməla nacha wa.
16 Ana chisəma cha, dəma kwa mərtə pya ndə pələkə, cho nənyi gəna ba'a səli ana matsala cha.
17 Laku nyi i'i kwa shili na nyi hirgyaɗi nə ndə, dəhə nda tsəu, lakur piyarɗufu inga.
18 Nacha, wur pi cha anə nji'inda tə gəzəya nyi,
ma nji'inda tə uya nyi, kwa ngya ka njir papa'akur.
19 Təwa dəma Hyel tə səya hya dunəya,
təwa ngabiya cha mər huɗamələm,
20 təwa ngabiya nda cha ni, cha gwa'atə ɓitir dəl kwa hwi, and ləmbəkə tə səyandə par.
21 Zər ɗa, gəzəya dəma ana gwa'abiya mənakəu, ngwa ka ngyari nda təkə nakə wa,
22 ndo ɗa aka pi nə ngha, ana sər wulya mənakə da wulya ka.
23 Ana ənga ko mər ma'i ngha a ləvər da wa, ya a hyakə da kwa tləhi wa,
24 a da ko ngatə ləvərə ma kə tə piya wa, ma ka piya, ko nji hanyi məsəɗakəu.
25 Ngwa kə da ləvər sadən təmachi wa, ndara sənda kwa ɗa na ndə pui wa,
26 aka Tlakə kwa ɗa ka ndə nda hyo ta'i kari ya cho ɓəlatə hya ka ba'a təɗə ku ləbam.
27 Maka uya lakur məra, char mənakəkur nə nji'inda njo kina mərtənda mənakəkur.
28 Macha a da tsa ka, əngwa nar nyi nə təwul ngha, <<Ma'i, kəl zəkə ga ya vala nghə wa.
29 Ngwa ka da haɓə pəla'akur nə təwul nda kwa ngya na jiri dzə nghə wa.
30 Əngwa guhi ndə macha a səda daɓə hi wa, macha a səda cha mərtə nghə wa.
31 Əngwa mər səlkəkur na njir mər sə ɗimi, ndara ka tabiya zhnag ku huɗa laku i'i wa,
32 aka Tlakə kwa həɗə tsa ndər shakər kəl ja, cho mər hirgyaɗi na ndə na jiri ku ɗufwa cha.
33 Shu'i Tlakə təkəra ki ndər mər səɗimi kəl cho səkər papa'kur təkəra ki ndə tsatsa'a.
34 Cho həystə njir gyaɗi həyatəvi, kəl ja cho char nyi ɗanghali nə nji'inda tə tashiya kərnənda.
35 Ndər dəma kwa fa'aki na səli,
kəl ja, nji kəkəng kwa ngya ku kuzhi.