Sakədar Dəma
2
1 Zər ɗa, dləutsi ɓwanya ɗa, ka ɗəwanda tsaubar ɗa ku ɗufwa ka.2 Səzə himi da dəma ana ka nənyi ɗufwa ka nə uya ngabiya.
3 Mbabiya dzə ka uya gwabiya, ana ka gwa'a ngabiya tsa'anyata
4 Ka gwa'a nda, wi nda ko gwa'a zənariya ana ka gwa'a wi nda wi ndər gwa'a sə ɗəwaɗəwa.
5 Ma ka mər ənga, ko ngabiya ləvər Tlakəu ana ko uya zəndi a təkəra Hyel.
6 Aka Tlakə ngə kwa nənyi dəma nə nji, ana aku nya cha zəndi ana ngabiya kwa hya'ati.
7 Cho nənyi təkəɗər dəma a nə njir ləvər nyi, nacha ngə ləgə nə nji'inda ma'i kənda tsatsa'a.
8 Aka cho dzamə tlər nji'inda kwa nəu jiri, cho ɓəla lakur nji'inda kwa nəu nya cha.
9 Ana ənga ko ngabiya sə'inda tsatsa'a ana jii ana kala lakə mənakəu.
10 Aka dəma kwa gwa ku ɗufwa ka, zəndə səu kwa ɗa məsəɗakə nə pya ka.
11 Sənamkur kwa ɓəla ngha, ana ngabiya tsəu kwa nəuna ka.
12 Dəma kwa mbəɗandə ngha tsa lakur nji dlərpəu, aku cha nji'inda ɓwanya kənda nə shakərəu,
13 nji'indatə ngyar laku jiri ga sha yo laku nda na kutls,
14 nji'inda kwa ngatə məsəɗakə na mər sə ɗimi ya kwa mər hirgyaɗi na shakər nda sə ɗimi kwa məra,
15 nji'inda laku kənda da ta'i wa, ana nji'inda na jigadəma nə shakər.
16 Cho mbəɗandə nghə tsəu ku cha ma'i nda kwa mər kasalikur, ana tsa mala nda pətəkər na ɓwanyha mənakəu,
17 mala nda tə ngyari salə nyi nə biji nda cha tlakala ti, ga ngyar mbandər nda cha məra a mar Hyhel.
18 Aka ki nyi kwa yi na ndə yo nya tah, ya laku nyi tsəu ya da shanguɗə tə tah.
19 A ndə da nda tə ya da cha ga ɓəla shili wa ndara cha ɓəla nəu laku pi wa.
20 Ənga ko ma'i ku lakur nji mənakəu ana ngya ku lakur nji tsatsa'a.
21 Aka ndər jiri kwa ngya ku hə'i ya ndə kəla bikə kwa ngya kwa,
22 kəl ja, njo zhazhinda dəhə nji dlərpə ku hə'i nda,
njni kəla jiri tsəu, njo vakəbiya nda biya.