1
1 Ndər papa'akur nga
ndə nda da kwa nəu laku nji kəmangər,
ndara cha ta'i ku lakur njir səpəla'a
ndara cha ngya ku daɓədzər njir təl na Hyel.
2 Amma cha kwa ngatə məsɗakƙkur ku gadlagadla Tlakəu,
təkəra gadlagadlanyi cha kwa jigadəma vu'i na puchi.
3 Wi ngə tə wu nda nji tə chiya nya dəl cha,
nda biyandə nguli ku bijinyi
nda hyali nda kwa titi'ua wa.
Mada mi tə cha məra, kwa ɗa papa'akur.
4 Amma a da əngə na nji kəmangər wa!
Wi ngə tə chachang nda
nda gyang kwa təra ni.
5 Aka ənga, nji kəmangər da kwa ta'i ku bijir nəuma wa,
mada njir səpəla'a ku dlam nji tsang.
6 Aka Tlakə kwa ɓəlatə lakur nji tsanghə,
amma lakur nji kəmangər kwa səwa.