Sər cha Usaku ana Dzəvə Madləɓa Tsəmdza
7
1 Ahir nda Musa tə wur na ɓatlə madləɓa, ngə cha dzəvəya nyi ana dəhə kar tlər inda kwa. Ətsəu cha dzəvəya dzəgana ana dəhə kyawa inda kwa. 2 Kəl ngə njirawawa'a Isra'ila tə shili na ga'a kənda. Nanda ingə njirawawa'a ka nyavi ka nyavi, ni'inda təkəra nji inda nja jigabiya. 3 Nda shili na ga'a kənda mar Tlakəu, tka kwabəmətləu.4 Ngə Tlakə tə nar nyi nə Musa, 5 <<Dləutsə sə'ingə sanda, ka ga nja mər tlə ni ku tlər madləɓa tsəmdza. Ka nənyi nda nə nyandəla Levi wi nda dlər kala zhang tə chari.>>
6 Ngə Musa tə hətə carts ana tla inda ga nənyi nə nyandəla Levi. 7 Cha nənyi carts mətləu ana tla fwaɗə nə nyavi Gashon, wi nda tlər kənda tə chari, 8 ətsəu ch anənyi carts fwaɗə ba'a tla chisə nə nyavi Merari wi nda tlər kənda tə chari. Dəhə nda a da kiɗa Itamar zər Haruna pərist nda. 9 Kəl ja, a sənda Musa tə nənyi nə nyavi Kohat wa, aka tlər kənda ngə nda hə sə inda karti tə wulya nda, nacha ngə tlər kənda.
10 Nda nja wurna dzəvə dzəgana nda, ngə njirawawa'a inda tə shili na ga'a kənda ga fiya biyamar dzəgana nda. 11 Aka Tlakə tə nar nyi nə Musa, <<Kala pəchi, ndəradəgal zhang kwa shili na ga'a nyi ka nja dzəvəya dzəgana ni.>>
12 Ndə nda tə shili na ga'a tə tangərmar pəchi nac hangə Nashon zər Aminadab aku nyavi Yahuda.
13 Ga'a nyi nacha kətas azurfa zhang nda tədəɓəkura cha kwa ɗa shekel 130, ana kətasə azurfa zhang nda njo shishivəya sə ni, tədəɓəkura cha shekel məɗəfəkumnyi, tsa'a kya'a wi nda tə shekel nə vi karti, kala zhang nja nyandə na upa gwaɗəgwaɗənyi na mal aka sər hatəmachi nə uhi'uhi. 14 Kətasə bəjingha zhang, tədəɓəkura cha shekel kuma, chaɓə na sənda kwa shi'uni kwitəkwitəu, 15 zər gyal tla zhang, gam zhang ana zər gam zhang nda tə fah zhang, ka sər hatəmachi nə nginda, 16 bura zhang ka sər hatəmachi ka səpəla'a, 17 ana tla mətləu, gam tufu, bura tufu ana nguil gam fa zhang tufu, ka nja handa təmachi nə daɓəkər ni. Nənnə ngə ga'a inda Nashon zər Amminadab tə shili ni.
18 Atə mətləkunya pəchi, Netanel zər Zuwar, gau njikə Isaka, tə shili na ga'a nyi, 19 Ga'a nyi nda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 20 ana kyawa bəjingha nda tədəɓkurnyi shekel kuma, chaɓə na ɓurdi; 21 zər daləu zhang, gam zhang, ana zər gam fa zhang, aka hərhatəmachi nə ginda; 22 bura zhang aka sərhatəmachi nə səpəla'a; 23 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi ni aka sərhatəmachi nə daɓkər. Sə ingə ngə ga'a inda Netanel zər Zuwar tə shili ni.
24 Pəshir hanyi makərkunyi, Eliya zər Helon, gau nə njikə Zebulan, tə shili na nənyawa ga'a. 25 Ga'a nyi nda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 26 kyawa bəjingha zhang, tədəkurnyi shekel kuma, chaɓə na ɓurdi, 27 zər daləu zhang, gam zhang and zər gam fa zhang, aka sərhatəmachi nə nginda, 28 ana bura zhang aka sərhatəmachi nə səpəla'a, 29 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Eliyab zər Helon tə shili ni.
30 Pəshir hanyi fwaɗəkunyi, Elizur zər Shedeyur, gau nə njikə Roben, tə shili na nənyawa ga'a. 31 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 32 kyawa bəjingha zhang, tədəkurnyi shekel kuma, chaɓə na ɓurdi, 33 zər daləu zhang, gam zhang and zər gam fa zhang, aka sərhatəmachi nə nginda, 34 ana bura zhang aka sərhatəmachi nə səpəla'a, 35 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Elizur zər Shedeyur tə shili ni.
36 Pəshir hanyi tufukunyi, Shelumiyel zər Zuriddai, gau nə njikə Simiyon, tə shili na nənyawa ga'a. 37 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 38 kyawa bəjingha zhang, tədəkurnyi shekel kuma, chaɓə na ɓurdi, 39 zər daləu zhang, gam zhang and zər gam fa zhang, aka sərhatəmachi nə nginda, 40 ana bura zhang aka sərhatəmachi nə səpəla'a, 41 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Shelumiyel zər Zuriddai tə shili ni.
42 Pəshir hanyi kwakunyi, Eliyasaf zər Diuwel, gau nə njikə Gad, tə shili na nənyawa ga'a. 43 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 44 kyawa bəjingha zhang, tədəkurnyi shekel kuma, chaɓə na ɓurdi, 45 zər daləu zhang, gam zhang and zər gam fa zhang, aka sərhatəmachi nə nginda, 46 ana bura zhang aka sərhatəmachi nə səpəla'a, 47 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Eliyasaf zər Diuwel tə shili ni.
48 Pəshir hanyi məɗəfəkunyi, Elishama zər Ammihud, gau nə njikə Efərem, tə shili na nənyawa ga'a. 49 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi. 50 kyawa bəjingha zhang, tədəkurnyi shekel kuma, chaɓə na ɓurdi, 51 zər daləu zhang, gam zhang and zər gam fa zhang, aka sərhatəmachi nə nginda, 52 ana bura zhang aka sərhatəmachi nə səpəla'a, 53 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Elishama zər Ammihud tə shili ni.
54 Pəshir hanyi chisəkunyi, Gamaliyel zər Pedazur, gau nə njikə Manasa, tə shili na nənyawa ga'a. 55 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi, 56 kyawa bəjingha zhang, tədəkurnyi shekel kuma, chaɓə na ɓurdi, 57 zər daləu zhang, gam zhang and zər gam fa zhang, aka sərhatəmachi nə nginda, 58 ana bura zhang aka sərhatəmachi nə səpəla'a, 59 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Gamaliyel zər Pedazur tə shili ni.
60 Pəshir hanyi dləkunyi, Abidan zər Gidiyoni, gau nə njikə Banyami, tə shili na nənyawa ga'a. 61 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi, 62 kyawa bəjingha zhang, tədəkurnyi shekel kuma, chaɓə na ɓurdi, 63 zər daləu zhang, gam zhang and zər gam fa zhang, aka sərhatəmachi nə nginda, 64 ana bura zhang aka sərhatəmachi nə səpəla'a, 65 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Abidan zər Gidiyoni tə shili ni.
66 Pəshir hanyi kumkunyi, Ahiyezer zər Ammishaddai, gau njikə Dan, tə shili na nənyawa ga'a. 67 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi, 68 kyawa bəjingha zhang, tədəkurnyi shekel kuma, chaɓə na ɓurdi, 69 zər daləu zhang, gam zhang and zər gam fa zhang, aka sərhatəmachi nə nginda, 70 ana bura zhang aka sərhatəmachi nə səpəla'a, 71 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Ahiyezer zər Ammishaddai tə shili ni.
72 Pəshir hanyi kwabəzhangkunyi, Pagiyel zər Okran, gau njikə Ashur, tə shili na nənyawa ga'a. 73 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi, 74 kyawa bəjingha zhang, tədəkurnyi shekel kuma, chaɓə na ɓurdi, 75 zər daləu zhang, gam zhang and zər gam fa zhang, aka sərhatəmachi nə nginda, 76 ana bura zhang aka sərhatəmachi nə səpəla'a, 77 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Pagiyel zər Okran tə shili ni.
78 Pəshir hanyi kwabəmətləkunyi, Ahira zər Enan, gau nə njikə Naftali, tə shili na nənyawa ga'a. 79 Ga'a nyi inda cha shili ni, nacha ingə, paranti azurfa zhang, tədəɓkurnyi shekel 130, shala waɗə nə azurfa zhang, tədəɓkurnyi shekel məɗəfəkumnyi, tsa'a kya'a tədəɓura nda məlməl na sər dəgə tədəɓkura sər dəgə sə nə mbwa'ala, kala zhang nja nyandə na upə zhizhi nda nja zukutə na mal aka ga'a nə sə uhiuhi, 80 kyawa bəjingha zhang, tədəkurnyi shekel kuma, chaɓə na ɓurdi, 81 zər daləu zhang, gam zhang and zər gam fa zhang, aka sərhatəmachi nə nginda, 82 ana bura zhang aka sərhatəmachi nə səpəla'a, 83 ana gyal tla mətləu, gam tufu, bura tufu ana nguli gam fa zhang tufu, aka njo handa təmachi nə daɓkər ni. Sə ingə ngə ga'a inda Ahira zər Enan tə shili ni.
84 Sə innən ingə ga'a inda gau i'i nə njir Isra'ila tə shili ni pəshir nja dzəvəya dzəgana ti; paranti azurfa kwabəmətləu, shala waɗə nə azurfa kwabəmtləu ana kyawa bəjingha kwabəmətləu. 85 Kala paranti azurfa zhang, tədəɓkuracha shekel 130, kala shala waɗə nə azurfa təɗəɓkuracha shekel məɗəfəkumnyi. Tədəɓkura shala azurfa dəhədəhəu shekəl 2,400, məlməl na sər dəgə tədəɓkura sə nə mbwa'ala. 86 Kyawa bəjingha kwabəmətləu nyinyi nyi chaɓə na ɓurdi, tədəɓkura kala zhang shekel kuma, məlməl na sər dəgə tədəɓkura sə nə mbwa'ala. Tədəɓkura kyawa bəjingha dəhədəhəu shekəl 120. 87 Dəhədəhə sərshishi nda nja shili ni aka sərhatəmachi nə nginda, nguli daləu kwabəmətləu, gam kwabəmətləu and nguli gam fa zhang kwabəmətləu, tsa'a ga'a sə uhiuhi kənda. Bura kwabəmətləu aka səhatəmachi nə səpəla'a. 88 Sərshishi nda nja shili ni dəhədəhə ka hatəmachi nə daɓkər, gyal tla mətləkumnyi parnya fwaɗəu, gam kwakumnyi, bura kwakumnyi ana ngulinguli gam fa zhang kwakumnyi. Nacha ingə ga'a inda nja shili ni pəshir nja dzəvəya dzəgana nda. 89 Nda Musa tə gwa ku Madləba Tsəmdzə nda ka cho ɓwanya na Tlakəu, cha ngatə kurakə kwa ɓwanya nə nyi zəbiya ku pama cherubim mətlə inda kyatə kəra mbwar hənda səpəla'a kyatə kəra Gwarara Mbandər nda. Ngə cha ɓwanya na cha.