Hatəmachi Təwa Nginda
1
1 Tlakǝ tǝ nga Musa ku Madləɓa Tsəmdza, ga nar nyi bǝra, 2 <<Nar nyi nǝ njir Isra'ila, <Ma kala ndə nda kwa shili na sǝrshishi ka lə ga'a nǝ Tlakǝu, cho nau sǝbiya ku dangal tla nyi, ndara ku biri kǝtǝng, ndara nə kua. 3 <<Macha aka hatəmachi təwa nginda cha shili na sǝrshishi nga, tuku cha ɗa salsal nyi, ya kəla tyakǝm. A nya gwar nya Madləɓa Tsəmdzə cho hatəmachi biyamar Tlakəu, məlna kwa ɗa ka sə nda Tlakə kwa dləukər ni. 4 Ndǝ nda kwa fəkər cha cha tǝkǝra sərhatǝmachi nə nginda nda, məlna kwa ɗa ka sər dləukər ni, nda kwa hǝnda bikǝr sǝpǝla'a nyi. 5 Cho tlakǝr wulya tǝkǝra gyal tla nda, a mar Tlakǝu. Nguli shili Haruna inda pərist kwa shili na mashi nda, ba'a uchindzə nyi nə dzǝgana nda mada təwabari ku gwar nya Madlǝɓa Tsəmdzə nda. 6 Kəl cho nǝnǝnda sǝrshishi nda, ba dzǝdzəya nyi shiɗǝɗǝu. 7 Nguli shili Haruna inda pərist kwa bǝrdliya shilǝ'u kyatǝ kǝra dzǝgana nda, ahir nga ndo hau hu'u kwa. 8 Kǝl nguli shili Haruna inda pərist kwa bǝrdlǝtǝ kum inda nja dzǝdzǝya nda, tsa'a na kǝra cha, ana malmal nyi kyatǝ kǝra shilǝ'u nda kwa gǝɗǝ kyatə dzǝgana nda. 9 Kǝl ja, njo chinda hali ana hya sǝrshishi nda na ɓiti. Kǝl pərist nda kwa nginda dǝhǝ kyatǝ dzǝgana, aka sərhatǝmachi təwa nginda, hatǝmachi nda nja lǝnda tǝwa hu'u nda, sǝ nda kwa shiu'ni wi ɓurdi cha nǝ Tlakǝu. 10 Macha lə ga'a sərhatəmachi nǝ nginda nga, hya'atǝ ku dangal nǝ kǝtǝng ndara kua cha, kǝl ba'a cha lǝtǝ salsal nyi nda kǝla tyakǝm. 11 Njo tlakǝnyi wulya nə sərshishi nda tǝwa vwa nǝ dzǝgana a mar Tlakǝu. Nguli shili Haruna inda pərist kwa uchindzə nyi mashimashi nyi nə dzəgana nda mada təwabari. 12 Njo dzədzəya shiɗəɗəu, kǝl pərist nda kwa bǝrdliya kyatǝ kǝra shilǝ'u nda kwa ngǝɗǝ kyatǝ dzǝgana nda, dəhə kə'i kəra cha ka malmal nyi. 13 Kǝl ja, cho chinda hali ana hya cha i'i ana ɓiti. Kǝl pərist nda kwa shili ni, ba'a nginda dǝhǝ kyatǝ dzǝgana nda. Sərhatǝmachi nda nja lǝnda tǝwa hu'u nda, nacha ngə sǝ nda kwa shiu'ni wi ɓurdi nǝ Tlakǝu. 14 Macha sǝr lə ga'a nǝ Tlakǝu nda, eakǝ cha, tuku cha mbǝtla, ndara tsǝu mbavi. 15 xxxxPərist kwa shili na eakǝ nda tǝ dzǝgana, ba cha ndalkǝr wulea, ba tlanda kǝra cha, kǝl ba cha nginda kǝra cha nda kyatǝ dzǝgana. Cho gǝzǝya eakǝ nda, ǝnda mashi niy kwa dza, a sǝyatǝ badlarma dzǝgana nda. 16 Cho hǝbiya jadugwa eakǝ nda, ana uhi nda kwa, cho vakǝnda sǝyatǝ badlarma dzǝgana a tǝwa zǝdǝr pǝchi, mbwanda njo pǝnda pǝtsǝɗǝ ti. 17 Cho gǝzǝya nyi tǝwa babǝga cha cha buɗǝya nyi tǝ hada, kǝl nda a da cho tǝkǝbiya nyi wa. Pərist nda kwa nginda nyi kyatǝ dzǝgana, a kyatǝ kǝra shilǝu nda kwa ngi nda, na chi hatǝmachi nǝ nginda. Hatǝmachi nda lǝnda tǝwa hu'u nga, nda kwa shuni kwitkwitǝ nǝ Tlakǝu.