Chichikur ku pama Njir Israila
5
1 Tlakə tə narnyi nə Musa, 2 <<Narnyi nə njir Israila, nda həbiya aku pama njir Israila, kala ndər bibi, ndə nda kwa discharge ndara ndə nda dyaɓənda kərnyi təwa tsəkar ndə tətah. 3 Əngə hyo mər nə nda, mahi'i ka shili dəhəu. Hya gədləbiya tsanda nda ba'a mərtə daɓədzə nda ya na ngya kwa hiɗahiɗa.>> 4 Əngə njir Israila tə məra, nda gədləbiya nda biyatiya mələm, tang wi sənda Tlakə tə narnyi nə Musa.Ki sə təkəra bikəu
5 Ngə Tlakə tə narnyi nə Musa, 6 Narnyi nə njir Israila, <<Kala sal ndara mala nda tə tləɗanda Tlakə ga mərtənyi bikə nə kuvanyi, a ngatə nda aka njir bikəu. 7 Tuku cha dəkəbiya səpəla'a nyi, ana cha ɓəlandə sənda cha həti, cho fəkəri mətləkumnyi aku gharəu nə sənda cha hətə nda anə ndənda cha mərtənyi bikəu. 8 Kəl ja, macha ndənda nja mərtənyi bikə tə ti, ya a njikəu nda, nda ləhəu nda nj nau kindanyi sənda wa, yau, sənda njo kinda ɗatə ka nə fərist tsa'a na gam hatəmachi ka nja hənda bikəu ndə nda mər bikə nda. 9 Dəhə sənda njir Israila shili ni anə Fərist, ɗatə ka nənyi. 10 Kala Fərist cha fiya ga'a inda nja shili na nyi.>>
Mala nda njo Tsətsəkwa təkəra kasalikur
11 Tlakə tə narnyi nə Musa, 12 <<Ndər nə njir Isra'ila ka nar nda, <Ma mala vanya ndə tə tyati, ga mərtənyi tar jirikur, 13 təwa piya na vanya sal biya, ya a sal nyi da zəndə wa, ya a ndə da kwa nau ɗa ka tauli ənda əngə sa ɗa wa, aka a ndə da taa tsatə nyi tə vir mər kasalikur nda wa. 14 Macha sal nyi na kərmətlə təkəra cha, cho la'a wi mala nda kwa mər kasalikur. 15 Yau, ba'a cha shili na mala nda huɗə pərist. Cho shili na sər hatəmachi, kilo zhang nə upə barle, kəl ja a da cho pə mal Oliv kwa wa ndara sənda kwa shi'uni kwitkwit wa, aka sər hatəmachi nga nda sal nda kwa tsam malanyi tə shili ni, ka nja chabiya nyi jiri.
16 << <Pərist kwa ta'ində mala nda biyamar dzəgana Tlakəu. 17 Cho pəu ɓiti nda karti aku shala nda nja hərə na nyingha, cho tatsə bəbər nda ku ta madləɓa nda ba'a pəu gu ɓiti nda. 18 Ahir nda pərist tə ta'ində mala nda mar Tlakəu, cho waləya shishir kəra mala nda, cho taɓəu nyi sər hatəmachi nə ɗənghatə nda ku cha cha, nacha ngə sər hatəmachi nə uhi, aka səlkəkur, nacha pərist tsə'u kwa gəzəya ɓiti ɗəwatə nda ku kwa shili na shi'u nda ku cha cha. 19 Kəl pərist kwa nar nyi nə mala nda cha səmnda fəla, cha nar nyi, <<Macha a vanya sal da taa piya nakə wa, ya a da ka dyaɓəndə kərnghə sakanda kə ku ki sal nghə wa, yau ba'a ka mbəɗə ku nya ɓiti ɗuwatə nə shili na shi'u na. 20 Kəl ja, macha a dyaɓəndə təkə kərnghə ya tsə'u ta nghə ku ki sal nghə təwa piya na vanya sal pam matsa sal ngha 21 yau, ngwa Tlakə gwa'atə nja shi'unda ngha nda ɗa tsa ka, macha haɗənda mbəlya ngha, ana ta ka tə mbatədza. 22 Ngwa ɓiti nə kwa shili shi'u nə gu ta ka, cha gwa'atə ta kə mbatə dza, cha handənda mbəlya ngha.
<< <Kəl mala nda kwa na <<Aɗəmja. Cha ɗa ənga.>>
23 << <Pərist nda kwa tsəfətə shi'u inda tə təmbəl, cho chiu gu ɓiti ɗəwatə nda. 24 Cho nar nyi nə mala nda cha sa ɓiti ɗuwatə nda kwa shili na shi'u nda, ɓiti nda kwa gu cha, cho shili ɓwaɓwatə ɗimiɗimi. 25 Kəl pərist kwa dləutsə sərhatəmachi ka səlkəkur nda ku cha mala nda, cho wave mar Tlakə cho shili nə tə dzəgana. 26 Kəl pərist kwa tasə uhi nda ku cha cha ga nja ɗunghatə ni, cho nginda kyatə dzəgana, ahir nga, cho nar n yi nə mala nda cha sanya ɓiti nda. 27 Mala a dyaɓəndə təcha kərnyi, ga piya na vanya sal pam matsa sal nyi, macha sa ɓiti nda kwa shili na shi'u nda, ɓiti nda kwa gu tacha ba'a shili ɓwaɓwatə ɗimiɗimi, ta cha kwa mbatədza, mbəlya nyi tsə haɗənda dza, ya cho ɗa shi'ushi'unyi ku pama nji. 28 Macha tsəu, a mala nda da dyaɓəndə kərnyi, ya a da cha mər kasalikur wa, njo chinda nyi tsa ngəla, ya cho uya nguilisha'a.
29 << <Nənna nacha nə gadlagadla nə səlkəkur, ma malakə tə səwandə kərnyi ya tsə'utanyi ku ki sal nyi, 30 ndara ma sal kwa la'a wi mala nyi kwa piya vanya sal paməu. Pərist kwa gwa'atə mala nda kwa ta'i mar Tlakə ya cho nəubiya dəhə gadlagadla nə nyi. 31 Sal nyi kwa ɗa chichinyi tsa kala sər ngəla, kəl ja, mala nda hətə bikə səpəla'a nyi.> >>