Huɗətla Hyel təkəra Njir Nineva
1
1 Jani mafakə təkəra Nineva. Likatkatə takər Nahum ndir Elkosh. 2 Tlakə kwa mər səlkəkur ana ki səkur, Tlakə kwa ki səkur macha nyi na huɗətla. Tlakə kwa ki səkur ya cho shakənyi huɗətla nyi nə njir dawa i'i. 3 Tlakə na sənam cha təwa huɗətla nyi ya gyalkur tsa cha, a da cha kwa ngyar ndər bəkə kəla ɓu wa. Aka laku nyi ku majigwal, tla par, ana ləmbəkə nanda inghə hyacha. 4 Cha kwa tsə fa'a ya cho 'ula, cho mərtə dəhə fa'a kwa 'ula. Bashan ana Karməl kwa 'ula ana ɓəɗakə Lebanon kwa tətə'ua. 5 Kəra mə kwa dratla ana dəgil i'i tsəu kwa lə'ua. Hə'i kwa dzədzə manyi, dunəya ana dəhə sənda na ngya kwa i'i. 6 Wangə kwa nau ta'i pishir huɗətla nya? Wangə kwa nau səsutə huɗətla nya? Huɗətla nyi biya tə wi hu'u, kəra mə kwa huhuɓə manyi. 7 Tlakə mənakə cha, mɓwar mɓu ku ɓəjir ɓwaɓwatə. Cha kwa ɓəla nji'inda tə dləukər nacha, 8 wi ɓiti səyasəya cho wurandi ana Nineva, cho gədlə nda njir dawa nyi ku kutla. 9 Aka dəhə sə na nda batlə təkəra Tlakə cho shili ni tə bata, a tsəu mətləkunya ɓwaɓwatə da kwa shili wa. 10 Ndo ɗa wi shikəɗə ndalndal ana sə sasa, ndo ngi kədətsə wi sar 'ul'ula. 11 Hya'atə ku pama hi, Nineva, vanya ndə tə zəbiya batliya ɗimikur nə Tlakə, cha shili na jigadəma səpla'a. 12 Jani sənda Tlakə tə na, "Mada ngə dunama kənda ɗa ya dangə nda, njo tla na nda ba'a wədi na nda. Mada ngə tlə ndzəyin tə ya mɓəlgə, Yahuda, tsəu ya kwa tlə mɓəlgə nə ngə səkə wa. 13 Sakan ja, yo ɓəlnda gang kənda tə wula hi, yo dlənda dzəra lyang kənda. 14 Tlakə tsau tə bar təkəra hi, Nineva; "A tləm nə hi do biyama wa. Yo huhubənda katə nda hya batliya, yo huhubənda səlima katə nə ki kəhi. Yo batliya hu kəhi aka hya hyətə ya. 15 Ndzam ma gi ku kəramə ingha, jan ngə hya ndə nda kwa shili na hi mafakə mənakəu, ndə nda kwa bəzə pyar ɗəfu! Səm ma ladər kəhi, Yahuda, ana nya nyabiya səfəmla kəhi i'i. A tsəu ndər dawa da kwa shili kura ngə wa, aka a gəl na nda tə nji.