1
1 Janǝ ɓwanyar mafakə mətakər nda Habakkuk tə dlutsə.Janǝ jiganar Habakkuk
2 Tlakə, ba'a saka mani ya kwa nga ngha ka gwa'a vala ya aka səhimi da ya wa? Nadara yo tiwi nə nghə a ka hətəvi ya aka dləuya ɗa wa? 3 Miya gwa'atə ka mərtə njo ndzam ɗa ndə kəla jira? Miya gwa'atə ko səhimi da sə ɗiməa? Tah ana ɗimikur amaɗa, kəpal ana mwali ɗa tə 'ual'ualəu. 4 Aka gadlagadla dlatə a tsəu jiri da kwa ma'i wa. Nji ɗimi ndiya tə nji tsa'atsa'a naɗəu, aka numa jiri biyama.
Wum Tlakəu
5 Ndzam hə'i i'i ka la'a, go mər məngəl. Aka yo mər vanya sə ku bəji ngə ənda a da go dləukər na mada mi nja nar nghə wa. 6 Aka yo ɓathliya njir Babila, nji dzau njir dlənyarvi inda kwa ma'i mada təwa bari ku dunəya, ka nda dləuya mbwa inda a nəkə nda wa. 7 Nji inda kwa dzədzə ndə nji kwa nə nda ləvəra, nji inda kwa mər numa nə kərnə nda təwa tlər kə nda ana ɓu kər nə nda ana hətə səli kər nə kər nə nda. 8 Taku pah kənda ndiya tə mapəlau na kusa, ndiya tə nda kiləkəndzau akəu na pəlakur. Ləvaləva taku kənda da kwa shivi wa. Ləvaləva taku kwa shili nadəu. ya nda fəl wi Mbələmbələm nda batliya kər nə nda ka səma. 9 A da nda shili na jiri wa, njo ləvir nda tsəu nda kəla shili, ndo tsəm mavi'i i'i wi mishishi'ua. 10 Ya nda kwa jalvi nə təl i'i ana fiya njirawawa'a ka sər gwa'a gyaɗə. Ndo fiya mələm sər gwa'a gyaɗə nə nda, ndo gwa ku mələm nda kwa kura nda. 11 Nda kwa tərabiya wi gyang nda kwa fə njir bəkəu, nji inda dunama kənda katə kənda.
Mətləkunya Gəɗǝ Habakkuk
12 Yawa Tlakəu, a da na kə ba'anawa ndani ma? Yawa Hyel ɗa, Ndə zhang tsa'atsa'a, a ea kwa kuɗə wa. Tlakəu, fiya tə kə bəjir tla numa, Yawa fafa, dzəviya nda tə ka ka ɓua. 13 Lya kə karti gagaɗa tsa ndzam sə ɗimi, a da ka kwa dləukər səʻinda kəla tsa'atsa'a wa. Amanǝ kə dləukər na nji ɗimi kwa ndasənya nji'inda tə ndiya na tsa'atsa'akur matsa nda? 14 Ka la'a nji wi kalfi inda ku fa'a, wi ɓatlər sər ɓiti nda a sərma dawa. 15 Nji ɗimi kwa təɗə njir jiri na kalichəpu i'i, ndo səya nda na həɗi kə nda, ndo tsəmtə nda gu bangama kə nda, aka ənghə ndo ngatə məsədakur ana hirgyaɗə. 16 Aka ənghə nda kwa hə səli ana hatəmachi nə həɗi kə nda ana ngi sə shuinishuini kitəkitə nə bangama kə nda, aka təwa həɗi kənda ngə nda kwa ngya məsədakur ana ɗəmbiya chulkə sərsum məsədakə nda nda kwa i. 17 Aka əngə ja ya, nda kwa biyama na kuɗə nda njir dunəya dəhə ya?