Nineva kwa ɗa Huɗəfi
3
1 Sər tuhuɗə na mələm mashi, njir gəshi, kwazhalɓə kəla nji təsəkin! 2 Ngatə ma kurakər dəka, hya nji, hwi hya taku ana dzədzər njir pah. 3 Ləvaləva taku pah na katsakər ana mas kənda kwa mbəla! Jani kəl nji kuɗəkuɗə nda a njo nau jigabiya wa, a tə nji kuɗəkuɗə nda kwa tləhi! 4 Dəhə sə ngə tə ɗa aka təkəra zawakur nə njir nəu nya məsakəu, nda tə sanda njir dunəya na zawarkur ana mutəyakur nyi. 5 Tlakə tə na, <<Yo mər dawa na hi, Yo təlu patar ngə gəo huɗəmaka, yo char nyi dura'akur ngə nə hə'i i'i ana mətla ngə sər kuzhi. 6 Yo mbuya ngə na sər həɗəu, ya yo mər tə ngə sər kuzhi ya ko ɗa ka sər həyatəvi. 7 Dəhə nji nda la'a ngə kwa tsaɗə nda dzə tsaka nda kwa na. <Neniva səwa ti, ya wa ngə kwa sə'ingu nya?>Aman njo uya ndə nda kwa shili fiya nyi huɗa?>> 8 Aka əngə ya ɓəliya nahi tsa Tebes nda na ngya tə Nilu nda ɓiti tə bandə ya? Fa'a nda ngə dləuya kənda, ya ɓiti nda tsəu bantili kənda. 9 Habasha ana Masar ngə dunama nyi, Fut ana Libiya ngə ndər vala nda. 10 Dəhə ka ənga fa'atə tə nda nji ka təra nda kyo mavakur. Kuɗə nda tə nji ngulisha'a shiɗəɗə kənda ku dəhə mələm kənda. Nja kukuciɗəya nda tə nji ku dəhə mətəkər laku. Ngə nja ɓəl shiu təkəra njirawawa'a kənda, ngə nja mbiya njirawawa'a kənda na dzəra lyan. 11 Ya nakə tsəu go tera na wi ki gwa'a mbwar mbu ana mbwar duwa nda kər ngə tsa njir dawa ngha. 12 Dəhə njir dunama kəhi wi wur kanda nda, ma tə nadə miya tangərma nyi, macha ghəya na pəpəa, cha kwa səyo nya sənda kwa səm nya nyi. 13 Levaləva kəhi wi mahi'i nda! Nyar gwa mələm kəhi mbədiya nyi tə nji nə pah. Hu'u kwa ngi nda nyar gwa mələm kəhi. 14 Fiya ma məduwa ɓiti nya mbabiya dzə aka njo bandənyi na pah! Hya təra gwa nya dakəu ya gwa zungu tə nyingha ka hətə sər tla tubali! 15 Hənda hu'u kwa ngi nda hi, katsakər kwa gəgada nyi səya hu'i, wi ha'i nja kwa ɗunya hi. Hya yatə kər wi ha'i wi ndzəgwa. 16 Njir səku kəhi tə tsakə 'ual'ual wi sasəlga huɗamələm, kəl ja, wi ndzəgwa ndo dənya sə təkəra hə'i ba'a nda fəl ɗa nda. 17 Njir ɓəla kəhi wi ndzəgwa, njirawawa'a kəhi tsəu wi ləmbəgə ndzəgwa nda tə ndzəm təkəra bantili tə bəjir shishiu nə puchi. Kəl ja, ma pichi tə dəda nda kwa təra na fəla, ya a ndə da kwa zəndə abar nda wa. 18 Təl Asiriya, njir ɓəla nghə dlatə, njirawawa'a piya tə nda kwa ɓəlsar. Nji ngə wi tə gio kəra mə i'i, ndər tsəmtə nda dawa. 19 Sər wurandə kətə ngə dawa, mbəlgə ngə 'ual'ualəu. Dəhə ndə nda ngatə labar təkəra ka, kəl cha tsəya kapala təkəra dla ngha. Aka ya, wangə pa'a ka dla'a?