2
1 Yo ta'i tə mbwar ta'i ɗa ana yo gi ta'i ta ɗa kyatə jigədəu, tsa'aka yo ndzam ga ya ngatə sə nda cha kwa na na'a, ana tsəu wum nda ya kwa wum nə jiga nya nyi.
Tlakə tə Wum nə Habakkuk
2 Kəl ngə Tlakə tə wum na'a ga nar ɗa, tsəftə mətakər na tə təmbəl mənakəu, tsa'aka ndər kəratsən nau kəratsən tə mənakəu. 3 Aka tsəu tanyi mətakər ngə kwa səkə bəji nyi ka cha ndər təkəra batəbatə nyi, ya a da gizhe wa. Madangə cho kusa ya ka ɓəji nyi, səkə tə nyi, madangə go la'a wi cha kwa shivi, cho shili a da cho ɗə ɓəji wa. 4 <<Ndzama, dəfwa nda da tsa'atsa'a wa ndo tah, kəl ja, ndə tsa'atsa'a nə nyi cho ngya na jiri,>> 5 vəlvəl, ɓitir anap kwa sha kər nə ndər ɓu kərnyi, ndə mwaram cha ya a da cha kwa ɓəlsar wa. Aka nacha ndər suna cha wi hu'u ana tah a da cha kwa nyi wa. Cha fa'aya nji ka piya tə kiɗa cha. 6 <<Aka ənghə dəhə mələm inghə kwa mər dawa nacha, nda kwa na, <Sər kuzhi nə ndə nda tə nyandə vi na sə həlhəl ana cha kwa mər gəna təwa fa'avi! Ba'a sakamanǝ cha kwa mər ngə na səa? 7 A da sakədar ngə da wa, njir nəu ngə məl kwa shili mbuya ngha, ya nda kwa hya'adə nghə ndo nə ngə sər ləvira, ya ka kwa ɗa ka sər cha nda wi səinda nja fa'aya tə vər ki dla'a. 8 Aka ka fa'aya tə kə mələm dangəu i'i, nji inda tə həya dzə tsəu nda kwa fa'aya ngha. Aka ka pənda mashi shili 'ual'ualəu, ka kuɗə nda hə'i ana mələm ana dəhə nji inda kwa. 9 <<Sər təhuɗu na ndə nda hərtə ki nyi ana waziba ɗimi kyatə dəgil, ka cha mbu tanyi tsa təmachi. 10 Kə təɗə kənyi sər kuzhi nə nji dangəu, aka ka kuɗə nda nji i'i. 11 Mangu bantili kwa tiwi ana gəda mbu vi kwa dləutsə kurakəu. 12 <<Sər kuzhə nə nji nda hərtə mələm təwa pənda mashi ana ɗimikur! 13 A Tlakə tə kərnyi ngha na ɓwaɓwatər nji kwa ɗa ka mal giɗə hu'u nda mələm tə wuradi dunama kənda ga'a ma? 14 Aka dunəya kwa nyi na zəndə papa'akur Tlakə ɓiti nda tə nyadə fa'a. 15 Sər kuzhə nə ndə nda nə nyi sə sasa nə təwul nyi ku təm, kəl nda nyi na sə sasa, tsa'aka nja ndzam dura'akur kənda. 16 Njo nyadə ngə na sər kuzhə tə vəra səli. Sakan nə ngə na ɓəji na! Sa tsa'aka ka biya tə babal! Ɗəɗəka nda ku chasəma Tlakə kwa səya təkəra hi, kuzhə kwa mbuya səli ngha. 17 Mwali nda ka tlə nə Lebanon kwa ɓəl ya təkəra ka, kə kuɗə nda sərshishi ya sərshishi kwa ləvir nda ngha. aka ka pənda mashi nji, ana kuɗə nda hə'i ana mələm nə dəhə nji. 18 <<A nya nya mə katə fwatə tə ɓəji nda ndə fəɗəya nyi, ndara slima nda kwa dlədləɓə gəzha? Aka ndə nda tə fəɗə nyi nə nyi tə cha jiri nə sənda cha batliya na kərnyi, aka cha batliya katə nda pa'a kwa ndəra. 19 Sər kuzhə nə ndə nda tə nar nyi nə wua, <Ɗa na pi.> Ndara tsəu nə hangu, <Hya'ati.> Kwa nau cha tsaubar ya? Aka nja ɓəsədzənyi ndza ana azurfa, a pi da ku tacha wa. 20 Kəl ja, Tlakə ku mbwa'alə nyi, ngwa dəhə dunəya bəgə ɗiyu a man nyi.>>