Ɓəlkər Mətla Hə'i Nyandəla Simion
19
1 Mətləkunya ɓəlshiu nacha ngə nə nyandəla Simion, ka nyavi ka nyavi. Mətla hə'i kənda tə təra bətə gu nə nyandəla Yahuda. 2 Ɓəlkər hə'i kənda tə həuBiyarsheba (ndara Sheba), Moladah,
3 Hazar Shuwal, Bala, Ezem, 4 Eltolad, Betul, Horma, 5 Ziklag, Bet Markabot, Hazar Susah, 6 Bet Lebayot ana Sharuhen, mələm kwabəmakər ana mələm shiɗəɗə inda tə ɓandə nda.
7 Ayin, Rimmon, Eta ana Ashan, mələm fwaɗəu ana mələm shiɗəɗə inda tə ɓandə nda, 8 ana dəhə mələm shiɗəɗə inda tə ɓandə mələm inənna, Baalat Biya (Ramah a vu Negev).
Nənnə ngə sərfa'aki nə nyandəla Simion, ka nyavi ka nyavi. 9 Aku mətla hə'i nyandəla Yahuda ngə nja həbiya nyi sərfa'aki nə nyandəla Simion, aka mətla hə'i nyandəla Yahuda 'ual tsa nda. Aka ənga, nyandəla Simion tə dləutsə sərfa'aki ku mətla hə'i nə nyandəla Yahuda.
Ɓəlkər Mətla Hə'i Nyandəla Zebulun
10 Makərkunya ɓəlshiu nacha ngə nə nyandəla Zebulun, ka nyavi ka nyavi,
Ɓəlkər mətla hə'i kənda tə təra bətə yi Sarid. 11 Ngə tə təra təwa təɗərpəchi gwa Marala, ga tsəkar Dabbeshet, ga təra ya dza dəl nda ləhə dzər Jokniyam. 12 Ngə tə sha təwa zədərpəchi hya'atə vu Sarid, tahə təwa zədərpəchi nə mətla Kislot Tabor, ga təra yi Daberat, bətə gi Jafiya. 13 Ngə tə təra tahə təwa zədərpəchi yi Gat Hefa ana Et Kazin, ngə tə zəbiya vu Rimmon ga sha təwa Niya.
14 Ɓəlkər hə'i kənda tə təra təwa vwa yi Hannaton ga ta'i ku Dakə Ifta El. 15 Ngə tə həu Katat, Nahalal, Shimron, Idalah ana Baitalami. Mələm kwabəmətlə ana mələm shiɗəɗə inda tə ɓandə nda.
16 Mələm ina ana mələm shiɗəɗə inda tə ɓandə nda, nanda ingə sərfa'aki nə nyandəla Zebulun, ka nyavi ka nyavi.
Ɓəlkər Mətla Hə'i Nyandəla Isaka
Jezril, Kesullot, Shunem,
19 Hafarayim, Shiyon, Anaharat,
20 Rabbit, Kishiyon, Ebez, 21 Remet, En Gannim, En Haddah ana Bet Pazzez. 22 Mətla hə'i kənda tə tsəkar Tabor, Shahazuma ana Bet Shemesh, ta'i nya Urdən. Dəhə mələm kwabəkwah ana mələm shiɗəɗə inda tə ɓandə nda.
23 Mələm ina ana mələm shiɗəɗə inda tə ɓandə nda, nanda ingə sərfa'aki nyandəla Isaka, ka nyavi ka nyavi.
Ɓəlkər Mətla Hə'i Nyandəla Asha
24 Tufəkunya ɓəlshiu nacha ngə nə nyandəla Asha, ka nyavi ka nyavi. 25 Ɓəlkər mətla hə'i kənda tə həu,
Helkat, Hali, Beten, Akshaf,
26 Allammelek, Amad ana Mishal.
Təwa təɗərpəchi tsə'u ɓəlkər hə'i nda tə tsəkar Karmel ana Shilor Libnat. 27 Ngə tə sha təwa zədərpəchi təwa Bet Dagon, ga tsəkar Zebulun ana Dakə Ifta El, ga təra təwa vwa yi Bet Emek ana Neyel, ga tahəya Kabul təwa matsal. 28 Ngə tə təra yi Abdon, Rehob, Hammon ana Kana bətə yi Sidon Dəgal. 29 Ngə ɓəlkər hə'i nda tə sha shili təwa Ramah, ga təra yi təwa mələm Taya nda nja ɓandə na ɓangtili, ga sha təwa Hosa, ga shili zəbiya ta'i nya fa'a aku mətla Akzib, 30 Ummah, Afek ana Rehob. Mələm mətləkumənyi parnya mətləu ana mələm shiɗəɗə inda tə ɓandə nda.
31 Nanda ingə sərfa'aki nyandəla Asha, ka nyavi ka nyavi.
Ɓəlkər Mətla Hə'i Nyandəla Naftali
32 Kwakunya ɓəlshiu nacha ngə nə nyandəla Naftali, ka nyavi ka nyavi.
33 Ɓəlkər hə'i kənda hya'tə vu Helef ana wu dəgalə vu Zaanannim, tə tərabiya Adami Nekeb ana Jabniyil a yi Lakkum ta'i kwa nya Urdən. 34 Ɓəlkər hə'i nda tə təra səya təwa təɗərpəchi tahə Aznot Tabor ga zəbiya vu Hukkot. Ngə tə tsəkar hə'i nyandəla Zebulun təwa holma, Asha təwa təɗərpəchi ana Urdən təwa zədərpəchi. 35 Mələm inda na ɓangtili nanda ingə Ziddim, Zer, Hammat, Rakkat, Kinneret, 36 Adama, Rama, Hazor, 37 Kedesh, Edrai, En Hazor, 38 Iron, Migdal El, Horem, Bet Anat ana Bet Shemesh. Mələm kwabədla ana mələm shiɗəɗə inda tə ɓandə nda.
39 Mələm inə ana mələm shiɗəɗə inda tə ɓandə nda, nanda ingə sərfa'aki nyandəla Naftali, ka nyavi ka nyavi.
Ɓəlkər Mətla Hə'i Nyandəla Dan
40 Məɗəfəkunya ɓəlshiu nacha ngə nə nyandəla Dan, ka nyavi ka nyavi. 41 Ɓəlkər mətla hə'i kənda nə tə həu,
Zorah, Eshtayol, Ir Shemesh,
42 Shaalabbin, Aijalon, Itlah, 43 Elon, Timnah, Ekron, 44 Eltekeh, Gibbeton, Baalat, 45 Jehud, Bene Berak, Gat Rimmon, 46 Me Jarkon ana Rakkon, ba'a hə'i nda kwa ndzam Joppa.
47 (Kəl ja, nyandəla Dan tə uya ɓwabwatə ku dləu mətla kənda, ngə nda təra ga gi pah Leshem, ga dləuya. Nda kuɗənda njir mələm nda, ga ngyata nda vu Leshem ga fəndzənyi tləm Dan, tləmər jival kənda.)
48 Mələm ina ana mələm shiɗəɗə inda tə ɓandə nda nanda ingə sərfa'aki nyandəla Dan, ka nyavi ka nyavi.
Mətla Hə'i nda nja nənyi nə Joshuwa
49 Nda nda wur na təkə hə'i nda wi nda nja təkəbiya, ngə njir Isra'ila tə nə nyi mbaɗər hə'i ku pama nda nə Joshuwa zər Nun, 50 wi nda Tlakə tə nar nda. Nda nə nyi mələm nda cha gwa'a, Timnat Serah aku mələm dəgəl dəgəl nə Ifərem. Ngə cha hərtə mələm nda ga ngya kwa.
51 Inənnə ingə mətla inda Eliyazar pərist, Joshuwa zər Nun ana njirawawa'a ka nyavi ka nyavi tə təkəya təwa ɓəlshiu vu Shilo a huɗə Tlakəu, a tə lakur gu Madləɓa Tsəmdza. Əngə nda wurandə təkə hə'i nda.