Hə'i nda nja Nə Nyi nə Nyandəla Manasa ana Ifərem
16
1 Hə'i nda nja nə nyi nə nyandəla Yusufu tə ghəya fwatə vu Urdən ləhə dza Jariko, təwa zədərpəchi nə ɓiti Jariko, fwatə tangnda tsəu, ngə a təra gi tahə dadil takə gwa təwa mələm inda tə dəgəl mələm Betel. 2 Fwatə vu Betel nda njo nga Luz, ngə a dləgəlbiya mətla hə'i njir Arki aku Atarot, 3 tə təra təwa təɗərpəchi nə mətla hə'i njir Jaflet bətə yi Bet Horon ana Geza, ga ɓələ kwa nya Fa'a Meditereniya. 4 Ngə Manasa ana Ifərem nyandəla Yusufu tə dləutsə ka nəkənda na sərfa'aki.5 Janə ɓəlkər hə'i Ifərem ka nyavi ka nyavi, ɓəlkər hə'i kənda tə təra fwatə təwa zədərpəchi nə Atarot Adar, tsa'a ki Bet Horon nda kya tə dəgəl. 6 Tə təra bətə gwa nya Fa'a Meditereniya təwa vwa ga pyardzə təwa zədərpəchi yi Tanat Shilo, tə tərabiya yi Janowa təwa zədərpəchi. 7 Fwatə vu Janowa tsə'u, ngə a təra səya Atarot ana Na'ara, tsa'a vu Jariko shipatə vu Urdən. 8 Ɓəlkər hə'i kənda, tə təra təwa təɗərpəchi yi Kana Ravin fwatə vu Tapuwa, ga ta'i nya Fa'a Meditereniya. Nacha ngə sərfa'aki nyandəla Ifərem ka nyavi ka nyavi. 9 Ətsə'u, tə həu dəhə alenya mələm ana mələm shiɗəɗə inda dzən nda, inda nja tlabiya nyi nə nyandəla Ifərem, a ku nə nyandəla Manasa.
10 A da nda gədlə njir Kan'ana inda na ngya vu Geza wa, ba'a tə bəji nə ənya tsə'u tanyi njir Kan'ana na ngya ku huɗa nyandəla Ifərem, kəl ja, nda fiya njir Kan'ana ka mavi'i təwa mər tlər tuku.