Hə'i nda nja nə nyi nə Nyandəla Yahuda
15
1 Hə'i nda nja nə nyi nə nyandəla Yahuda ka nyavi ka nyavi, tə təra bətə yi Edom, kwa'a nə dadil takə Zin təwa holma.2 Ɓəlkər hə'i kənda təwa holma tə ghəya nya Fa'a Wuna təwa holma, 3 tə təra təwa lakur Akrabim tahə dadil takə Zin. Bətə gwa təwa holma nə Kadesh Barniya, tə təranda Hezron ana gi təwa Adar, tə sha təwa Karka. 4 Tə təra təwa Azmon, ga nəu tsədzəɗə nda kwa nya chira Masar a gwa nya fa'a Meditereniya, mbwa nda ɓəlkər hə'i tə ta'i ti. Nacha ngə ɓəlkər hə'i Yahuda.
5 Ɓəlkər hə'i nyandəla Yahuda təwa təɗərpəchi nacha ngə Fa'a Wuna tsa'a nya Dəl Urdən, təwa vwa tsəu, tə təra gwa tsa'a tə mbwa nda Dəl Urdən tə ɓəl tə nya Fa'a Wuna, 6 tə təra təwa Bet Hogla, ga təra yi təwa vwa nə Bet Araba bətə ya tə hangəu Bohan zər Roben. 7 Ɓəlkə nyi tə təra bətə yi Debir, fwatə ku dakə Akor ga sha təwa vwa nə Gilgal, nda kwa ndzam dzə na lakur Dəgəl Adumim nda təwa holma nə dakə nda, tə təra tahə ɓitir En Shemesh, ga biya vu En Rogel. 8 Hya'atə tangnda tsəu, ngə tə təra gyo dakə Ben Hinom təwa tsarara nə mələm njir Jebusi (nacha ngə Urshalima). Hya'atə tangnda ngə a təra gyo kəra dəgəl təwa təɗərpəchi nə Dakə Hinom təwa vwa nə Dakə Refayim. 9 Fwatə kyo kəra dəgəl nda, ɓəlkər hə'i kənda tə təra təwa tsədzəɗər ɓiti Neftowa, ga zəbiya ku mələm inda ku Mə Efron, ga təra səya təwa Baala (nacha ngə Kiriyat Jeyarim). 10 Nga a pyardzə təwa təɗərpəchi, hya'atə vu Baala yo Mə Seyir, tə təra təwa tsarara nə Mə Jeyarim (nacha ngə Kesalon), tə təra səya təwa Bet Shemesh, ga dləgəlbiya biya Timna.
11 Ɓəlkər hə'i nda tə təra səya təwa tsarara təwa vwa nə Ekron, ga sha təwa Shikeron, ga tərabiya tahə Mə Baala ga həya Jabnil. Ɓəlkər hə'i nda, tə ɓəl kwa nya fa'a Meditereniya.
12 Ɓələr hə'i kənda təwa təɗərpəchi, nacha ngə nya Fa'a Meditereniya.
Nanda ingə gəl inda ku pama njir Yahuda ka nyavi ka nyavi.
13 Ngə Joshuwa tə nə nyi hə'i nə Kalip zər Jefune vu Yahuda ka nənyi, Kiriat Arba nacha ngə Hebron, wi sənda Tlakə tə nar nyi nə Joshuwa. (Arba nacha ngə jival nya Anak). 14 Ngə Kalip tə gədləbiya nyandəla Anak makər vu Hebron, nanda ingə Sheshai, Ahiman ana Talma. 15 Ahir nga, cha pah ka nji inda na ngya vu Debir (ɗəɗəm njo nga nda Kiriyat Sefər). 16 Ngə Kalip tə na, <<Dəhə ndə nda pah njir Kiriyat Sefər ga kura nda, yo nənyi Aksa kwa ɗa ka mala.>> 17 Ngə Otniyel zər Kenaz zamənya Kalip tə ki dla'a ga kwasə mələm nda, ngə Kalip tə nə nyi Aksa kwa nyi ka mala nyi.
18 Ahir nda hədza, ngə Otniyel tə nar nyi nə mala nyi cha gədi babal tsa ada nyi. Nda Aksa tə siya kyatə kwara nyi, ngə Kalip tə jau nyi, <<Mi sə nda ko i ya mərtə ngha?>>
19 Ngə cha ɓəlakə nyi, <<Char ɗa kwambiyakur. Manda a na'a təkə babal vu Negev, yo gədi ngha ka na'a tsədzəɗər ɓiti tsə'u.>> Ngə Kalip tə nə nyi tsədzəɗər ɓiti nda da gi ana nda da səya.
20 Janə ənda nja nə nyi babal nə nyandəla Yahuda ka nyavi ka nyavi.
21 Mələm nyandəla Yahuda inda təwa pa'akura holma vu Negev ləhə dza ɓəlkər Edom, nanda ingə:
Kabzil, Eder, Jagur, 22 Kinah, Dimona, Adada, 23 Kedesh, Hazor, Itnan, 24 Zif, Telem, Beyalot, 25 Hazor Hadata, Keriot Hezron, (nacha ngə Hazor), 26 Aman, Shema, Molada, 27 Hazar Gada, Heshmon, Bet Pelet, 28 Hazar Shuwal, Biyarsheba, Biziyotiya, 29 Baala, Iyim, Ezem, 30 Eltolad, Kesil, Horma, 31 Ziklag, Madmana, Sansana, 32 Lebawot, Shilhim, Ayin ba'a Rimon, dəhədəhə mələm mətləkumnyi parnya dləa ana mələm shiɗəɗə inda dzən nda.
33 A təwa mələm inda tə sara dəgəl tsə'u nanda ingə, Eshtawol, Zora, Ashna, 34 Zanowa, En Ganin, Tapuwa, Enam, 35 Jarmut, Adulam, Soko, Azeka, 36 Sharayim, Aditayim ana Gedera (ndara Gederotayim) mələm kwabəfwaɗə ana mələm shiɗəɗə inda dzən nda.
37 Alenya mələm inda nja nə nyi nə nyandəla Yahuda tsə'u, nanda ingə, Zenan, Hadasha, Migdal Gad, 38 Dileyan, Mispa, Joktiyil, 39 Lakish, Bozkat, Eglon, 40 Gabon, Lamas, Litlish, 41 Gederot, Bet Dagon, Na'ama ana Makeda, mələm kwabəkwah ana mələm shiɗəɗə inda dzən nda.
42 Libna, Eta, Ashan, 43 Ifta, Ashna, Nezib, 44 Keyila, Akzib ana Maresha, mələm dləa ana mələm shiɗəɗə inda dzən nda.
45 Ekron ana mələm inda tə ɓandi, ana mələm shiɗəɗə inda dzən nda, 46 fwatə təwa təɗərpəchi nə Ekron tsə'u, ana dəhə mələm inda ləhə dza Ashdod ana mələm shiɗəɗə inda dzən nda.
47 Ashdod ana mələm inda tə ɓandə nyi, ana Gaza, ana mələm inda tə ɓandə nyi bətə yi Wadi aku Masar ba'a nya fa'a Meditereniya.
48 Aku mələm inda kyatə dəgəl tsə'u, Shamir, Jatir, Soko, 49 Dana, Kiriyat Sana (nacha ngə Debir, 50 Anab, Estemo, Anim, 51 Goshen, Holon ana Gilo. Mələm kwabəzhang ana mələm shiɗəɗə inda dzən nda.
52 Arab, Duma, Eshan, 53 Janim, Bet Tapuwa, Afeka, 54 Humta, Kiriyat Arba (nacha ngə Hebron) ana Ziyor, mələn dla ana mələm shiɗəɗə inda dzən nda.
55 Mawon, Karmel, Zif, Jutta, 56 Jezril, Jokdim, Zanowa, 57 Kayin, Gibiya ana Timna, mələm kuma ana mələm shiɗəɗə inda dzən nda.
58 Halhul, Bet Zur, Gedor, 59 Ma'arat, Bet Anot ana Eltekon, mələm kwah ana mələm shiɗəɗə inda dzən nda.
60 Kiriyat Baal (nacha Kiriyat Jiyarim) ana Rabba, mələm mətləu ana mələm shiɗəɗə inda dzən nda.
61 Aku dadil takə tsəu,
Bet Araba, Middin, Sekaka, 62 Nibshan, Mələm Wuna ana En Gedi, mələm kwah ana mələm shiɗəɗə inda dzən nda.
63 A nyandəla Yahuda da nau gədləbiya njir Jebusi inda na ngya vu Urshalima wa, ba'a tə bəji nə ənya tsə'u tanyi njir Jebusi kwa ngya kə'i njir Yahuda.