Təl inda Njir Isra'ila tə Kura
12
1 Inənnə ngə ka təl ka təl inda njir Isra'ila tə kura ga dləuya hə'i kənda biya tə ya Urdən, fwatə nya dakə Arnon kwa'a nə Dəgəl Harmon, dəhə ka zədərpəchi nə Araba. 2 Sihon təl njir Amori, nda tə səm təlkur vu Heshbon.Cha səm təlkur fwatə vu Arower nda kwa nya dakə Arnon, fwatə kwa tə ghada dakə nda, kwa'a nya Dəl Jabok, nda na cha ngə ɓəlkər hə'i njir Amori. Mələm inda Sihon kwa səm təlkur kwa, tə həu dəhə ka mar hə'i Giliyad. 3 Ətsə'u Sihon tə səm təlkur təkəra zədərpəchi nə Araba, fwatə kwa nya fa'a Kineret tsa'a kwa nya Fa'a Araba, nda njo nga Fa'a Wuna, kwa'a nə Bet Jeshimot, ana təwa holma səyamar tsarara nə Pisga. 4 Ətsə'u, njir Isra'ila tə kura Og təl Bashan, zhang ku huɗa njir Refai nda tə həyadza. Təl Og tə səm təlkur vu Ashtarot ana Edrai. 5 Cha mər təlkur təkəra dəgəl Harmon, Saleka, dəhə hə'i Bashan kwa'a nə ɓələkər hə'i njir Geshur ana Ma'aka, ba'a mar Giliyad tsa'a ku gəla nda na hə'i Sihon təl Heshbon.
6 Musa mava Tlakə ana njir Isra'ila ingə tə kura nda. Ngə mava Tlakə tə nə nyi hə'i kənda nə nyandəla Roben, Gad ba'a mar nyandəla Manasa, cha ɗa ka nəkənda.
7 Inənnə ngə təl mələm inda Joshuwa ana njir Isra'ila tə kura təwa təɗərpəchi nə Urdən, fwatə ki Baal Gad ku dakə Lebanon ta'i kyo dəgəl Halak, nda hya'atə təwa Seyir. Joshuwa tə nə nyi hə'i kənda nə njir Isra'ila ka sərfa'aki, ga təkəya nda ka nyavi ka nyavi. 8 Mələm inda kyatə dəgəl, mələm inda tə sara dəgəl, mələm Araba, tsarara i'i, dadil takəu, ba'a Negev hə'i njir Hitti, Amori, Kan'ana, Periz, Hivi ana Jebusi:
9 Ja inə tləmər təl inda njir Isra'ila tə kura na pah.
Təl Jariko, təl Ai ləhə dzər Betel, 10 təl Urshalima, ana təl Hebron. 11 Təl Jarmut, təl Lakish 12 təl Eglon ana təl Geza. 13 Təl Debir, təl Geder, 14 təl Horma, təl Arad 15 Təl Libna, təl Adulam 16 təl Makeda, təl Betel, 17 təl Tapuwa, təl Hefer 18 təl Afek, təl Lasharon. 19 Təl Madon, təl Hazor. 20 Təl Shimron Meron, təl Akshaf. 21 Təl Ta'anak, təl Megido, 22 təl Kedesh, təl Joknim avu Karmel. 23 Təl Dor aku mələm Nafordor, təl Goyim aku Gilgal. 24 Təl Tirza.
Təl makərkumnyi ngə nja kura dəhə dəhəu.