Mətləkunya Dzə nda tə Uya Ayuba
2
1 Vanya pəchi səkəu, Chama Hyel tə shili ka nda chabiya kərnənda mar Tlakəu, ngə Shantan tsəu tə shili mar Tlakə kə'inda. 2 Ngə Tlakə tə nar nyi nə Shantan, <<Nakə tsəu ya, tamanə nə hya'atə ka?>>Ngə Shantan tə ɓəlakənyi nə Tlakə, <<Ma'i tanyi nə yo ma'i ku dunəya, ya bana shili bana.>> 3 Ngə Tlakə tə narnyi nə Shantan, <<Amana, a la'atəkə Ayuba mava ɗa ya? A vanya ndə da wi nacha tə dunəya wa, ndə kəla bikə cha ya ta'ita'inyi, ndər ləvər Hyel nda kwa ɗa tsa sə ɗimi. A gəzəya təcha jiri nyi mada ngə ka gwa'atə ya sharnyi yi kəla reason>>
4 Ngə Shantan tə ɓəlakənyi nə Tlakəu, <<Ndə kwa nau dləukəri cha təkə na dəhə tsa cha ga cha ɓəlatə pya cha. 5 Sakan ja, har cha kə ka dəgə kumərdza cha ana ɗihi nyi, a kəpəl da wa cho ngəlya ngha.>>
6 Ngə Tlakə tə ɓəlakənyi tə Shantan, <<Yau, janə cha ku cha ka, kəl ja, ngwa ka da tsəkar pya cha wa.>>
7 Ngə Shantan tə biya ga təra, cha ki dəgə Ayuba na shilka, kəti tə biya dzər Ayuba, dəhə dza cha. 8 Ngə Atuba tə biya ngyata nyi ku pətsəɗəu, cha hətə giɗa huɓəhuɓə cho vavə dza cha ni.
9 Ngə Mala Ayuba tə nar nyi, <<Tsəu tanghə na jiri nghə nda ya? Ngəlya Hyel ka təa!>>
10 Kəl ja, Ayuba tə ɓəlakənyi nə mala nyi, <<Mi malakəu! Manə ko ənə wi mala nda kəkəngha? Kami məno dləu mənakəkur tsa Hyel ya, a məno dləu təmachi wa? Aku dəhə sə'ina, a Ayuba da mər səpəla'a təwa pə ɓwanya wa.
Kə'i Bazhinya Ayuba tə Shili da Cha
11 Kə'i bazhiknya Ayuba, Elifaz hya'atə vu Teman ana Bildad hya'atə vu Shulu ana Zofar hya'atə vu Na'ama, tə ngatə chul ɓwaɓwatə nda tə uya Ayuba. Nda nda ngatə ənga ngə nda hya'atə ku kikənda i'i ga daɓəkər, ga shili usa nyi ga nda fətə nyi ɗufəu. 12 Nda nda la'a nyi naɗəu, a da nda ngabiya nyi wa, ngə nda hya'andə kuraka nda nda tiwi.. Nda tətanda lukutə dzənda, ga tatsə pətsəɗə ga pəu ku kəra nda. 13 Nda ngya nda a hu'i nanda kə'i Ayuba hanyi məɗəfa, vu'i na pəchi, a ndə da mbəɗiya nya cha ga ndər na Ayuba wa, aka nda ɓwaɓwatə nda cha kwa ndəɗətə sənda njo nau ɓwanya təkəri.