Hozaya 3

Hozaya tə Pidahuɗu Mala nyi

1 Tlakə tə nar ɗa, <<Ma'i ka yi char nyi nyida nə mala nghə səkəu, madangə vanya ndə kwa i nyi ya mala mər kasali cha. Ka nyida nyi wi nda Hyel kwa nyida njir Isra'ila, madangə ndo nəu katə i'i ya ndo i səm waina inda nja hatəmachi ni, nə katəu.>>

2 Aka ya ɗəlbiya nyi na azurfa kwabətufəu ana uhi barley mbəl kwara fwaɗəu. 3 Kəl ngə ya nar nyi, <<Ko ngya naya nə hanyi ɗanghəu, ya tuku a tsə'u ko ɗa ka zawar ndara ka ɗa ləhə dza vanya sal wa, naya tsə'u yo ngya tsa'a naka.>>

4 Kəl ja, njir Isra'ila kwa ngya bəji 'ual kəla təl ndara yirəma, kəla hatəmachi ndara həsəli nə Hyel, kəla efod ndara katəu. 5 Ahir ənga, njir Isra'ila kwa ɓəl shili gwa'a Tlakəu, Hyel kənda ana Dauda təl kənda. Ndo shili na tsamətlaɗə da Tlakəu, ya ndo dləutsə papa'akur nyi tə batəbatər pəchi.