یوشِع
پیشگُفتار
مَوضوعِ اَصلی کِتابِ یوشِع داخِل شُدونِ بَنی اِسرائیل دَ سرزمِینِ وعده شُده، یعنی دَ سرزمِینِ کِنعان اَسته و جای-دَ-جای شُدونِ ازوا دَ اُونجی. بَنی اِسرائیل چِل سال دَ بیابو سرگردو بُود، تا بِلآخِره خُداوند دَ یوشِع اَمر کد که اُونا ره از شرقِ دریای اُردُن دَ سرزمِینِ وعده شُده کوچ بِدیه. آیه های مشهُور دَزی باره اینیا اَسته: ”قَوی و دلیر بَش، چراکه تُو اِی قَوم ره صاحِبِ سرزمِینی مُونی که ما دَ بابه‌کَلونای ازیا قَسم خوردُم که دَزیا مِیدیُم. فقط قَوی و غَدر دلیر بَش تا بِتَنی مُطابِقِ تمامِ شریعتی که خِدمتگار مه مُوسیٰ دَز تُو اَمر کده، دَ دِقَت عمل کنی؛ از شریعت طرفِ راست یا چَپ تاو نَخور تا هر جای که بوری کامیاب شُنی.“ (فصلِ ۱ آیه های ۶ و ۷) یوشِع از اَمرِ خُداوند اِطاعَت کد و غَیتِیکه اُونا دَ دریای اُردُن رسِید آوهای دریای اُردُن دَ اَمرِ خُداوند ایسته شُد و بَنی اِسرائیل از مینکلِ دریا دَ طرفِ غَربِ دریای اُردُن تیر شُد.
وختِیکه اُونا دَ سرزمِینِ کِنعان رسِید، اُونا دَ کومَکِ خُداوند پادشاه های کَلو ره شِکست دَد و سرزمِینای ازوا ره تَصَرُف کد. چِیزی که بطَورِ واضِح دَ امزی کِتاب دِیده مُوشه اینی اَسته: هر وختِیکه بَنی اِسرائیل از اَمرِ خُداوند اِطاعَت مُونه اُونا پیروز مُوشه و هر غَیتِیکه نااِطاعتی مُونه شِکست مُوخوره و گِرِفتارِ بَلا-و-مُصِیبت مُوشه.
دَ آخِرِ کِتاب، یوشِع بَنی اِسرائیل ره نصِیحَت مُونه و بَلدِه ازوا اینی رقم مُوگیه: ”پس آلی از خُداوند بِترسِید و اُو ره مُخلِصانه و صادِقانه خِدمت کُنِید؛ خُدایونی ره که بابه‌کَلونای شُمو دَ اُو طرفِ دریای فَرات و دَ مِصر عِبادت مُوکد از خُو دُور کُنِید و تنها خُداوند ره عِبادت کُنِید. اِمروز بَلدِه خُو اِنتِخاب کُنِید که کِی ره پرستِش مُونِید؛ لیکِن ما و خانَوار مه خُداوند ره پرستِش مُونی!“ (فصلِ ۲۴ آیه های ۱۴ و ۱۵ که دَ باله ذِکر شُده، از آیه های مشهُورِ کِتابِ یوشِع اَسته.)
فهرِستِ عِنوانها
خُداوند قد یوشِع توره مُوگیه (فصلِ ۱ آیِه ۱)
یوشِع بَلدِه قَوم اَمرِ آماده شُدو ره مِیدیه (۱:۱۰)
راحاب و جاسُوسا (۲:۱)
تیر شُدونِ قَومِ اِسرائیل از دریای اُردُن (۳:۱)
دوازده سنگِ یادگاری (۴:۱)
مَراسِمِ خَتنه دَ جِلجال (۵:۱)
عِیدِ پِصَح دَ جِلجال (۵:۱۰)
رویای یوشِع (۵:۱۳)
سقُوطِ اَریحا (۶:۱)
گُناه عَخان (۷:۱)
نابُودی شارِ عای (۸:۱)
عهدِ نَو دَ کوهِ عیبال (۸:۳۰)
حیله و مَکرِ مردُمِ جِبعون (۹:۱)
آفتَو دَ جای خُو ایسته مُوشه (۱۰:۱)
کُشتونِ پَنج پادشاه (۱۰:۱۶)
تَصَرُف کدونِ شارای جنُوبی (۱۰:۲۹)
شِکستِ پادشایونِ شمال (۱۱:۱)
پادشایونی که از مُوسیٰ شِکست خورد (۱۲:۱)
پادشایونی که از یوشِع شِکست خورد (۱۲:۷)
جای‌های که هنوز تَصَرُف نَشُدُد (۱۳:۱)
سرزمِینِ طایفِه رئوبین (۱۳:۸)
سرزمِینِ طایفِه جاد (۱۳:۱۵)
سرزمِینِ نِیمِ طایفِه مَنَسّی (۱۳:۲۴)
زمِینِ نِیم طایفِه مَنَسّی (۱۳:۲۹)
تقسِیمِ زمِینای غَربِ دریای اُردُن (۱۴:۱)
تقسِیمِ کالیب (۱۴:۶)
تقسِیمِ اَولادِه یهُودا (۱۵:۱)
تقسِیمِ اَولادِه یوسُف (۱۶:۱)
تقسِیمِ نِیم طایفِه مَنَسّی دَ غَربِ دریای اُردُن (۱۷:۱)
درخاستِ اَولادِه مَنَسّی و اِفرایم (۱۷:۱۴)
تقسِیمِ باقی زمِینا (۱۸:۱)
تقسِیمِ طایفِه بِنیامِین (۱۸:۱۱)
تقسِیمِ طایفِه شِمعون (۱۹:۱)
تقسِیمِ طایفِه زِبُولُون (۱۹:۱۰)
تقسِیمِ یسّاکار (۱۹:۱۷)
تقسِیمِ طایفِه اَشِیر (۱۹:۲۴)
تقسِیمِ طایفِه نَفتالی (۱۹:۳۲)
تقسِیمِ طایفِه دان (۱۹:۴۰)
تقسِیمِ یوشِع (۱۹:۴۹)
شارای پناهگاه (۲۰:۱)
شارای لاویا (۲۱:۱)
پس رفتونِ طایفه های شَرقِ دریای اُردُن (۲۲:۱)
جنجال دَ بارِه قُربانگاهِ نَو (۲۲:۱۰)
آخِری نصِیحَتِ یوشِع دَ رهبرای قَوم (۲۳:۱)
عهد و پَیمان دَ شِکیم تازه مُوشه (۲۴:۱)
فَوتِ یوشِع (۲۴:۲۹)