تَثنیه
کِتابِ تَورات - بخشِ پنجُم
پیشگُفتار
تثنیه، پنجُمِین و آخرِین کِتابِ تَورات اَسته. دَ امزی کِتاب مُوسیٰ بَلدِه دَفعِه دوّم شریعت ره تشریح و بیان مُونه تا نسلِ نَوِ اِسرائیل از احکام و دستُورای خُداوند باخبر شُنه و زِندگی خُو ره مُطابِقِ ازوا پیش بُبره. امی شریعت ره مُوسیٰ دفعِه اوّل بَلدِه نسلِ پیشنِه اِسرائیل دَ کوهِ سِینا تشریح و بیان کدُد تا اُونا ره از احکام و دستُورای خُداوند باخبر کُنه.
مَوضوع های برجستِه امزی کِتاب ازی قرار اَسته:
مُوسیٰ واقِعه های ره که دَ چِل سالِ گُذشته رُخ دَده بُود یادآوَری مُونه و دَ مردُم مُوگیه که رقمِ نسلِ پیشنه سرکشی و یاغِیگری نَکنه.
مُوسیٰ تمامِ احکامِ شریعت ره دَ دِقَت بیان مُونه و تاکِید کده دَ بَنی اِسرائیل مُوگیه که از خُدا اِطاعَت کُنه و دَزُو وفادار بُمنه تا عاقُبَتِ خُوب دَشته بَشه.
مُوسیٰ بَرکت ها و نالَت ها ره دَ پیشِ رُوی بَنی اِسرائیل میله تا بَلدِه خُو اِنتِخاب کنه.
مُوسیٰ از بَنی اِسرائیل میخایه که عهد خُو ره قد خُدا تازه کنه.
یوشِع جانِشِینِ مُوسیٰ مُوشه.
سرُود و بَرکت های مُوسیٰ.
وختِیکه مُوسیٰ سُخنرانی و نصِیحَت های خُو ره خلاص کد، خُدا دَ مُوسیٰ اَمر کد که دَ بَلِه کوهِ نِبو دَ قِیلی پیسگه بُر شُنه تا ازُونجی تمامِ سرزمِینِ وعده شُده ره بِنگره. مُوسیٰ از اَمرِ خُدا اِطاعَت کده دَ قِیلی پیسگه بُر شُد و ازُونجی تمامِ سرزمِینِ وعده شُده ره دِید و بعد ازُو فَوت کد.
کِتابِ تثنیه یکی از کِتاب های عهدِ قدِیم اَسته که عیسیٰ مسیح و یارای شی دَ عهدِ جدِید کَلوتر از هشتاد دفعه از آیه های شی نقلِ قَول کده.
فهرِستِ عِنوانها
یادآوَری واقِعه های گُذشته (۱:۱)
اِنتِخاب کدونِ قاضی ها (۱:۹)
جاسُوسی از سرزمِینِ کِنعان (۱:۱۹)
سرکشی قَوم (۱:۲۶)
سرگردانی دَ بیابو (۲:۱)
پیروزی دَ بَلِه پادشاهِ حِشبون (۲:۲۶)
پیروزی دَ سرِ پادشاهِ باشان (۳:۱)
تقسِیمِ زمِینا (۳:۱۲)
مَنع شُدونِ مُوسیٰ از داخِل شُدو دَ کِنعان (۳:۲۳)
مُوسیٰ مردُم ره دَ اِطاعَت کدو تشوِیق مُونه (۴:۱)
مَنع کدونِ بُت پرَستی (۴:۱۵)
خاص بُودونِ خُدای اِسرائیل (۴:۳۲)
شارای پناهگاه (۴:۴۱)
یادآوَری شریعت (۴:۴۴)
دَه حُکم (۵:۱)
حُکمِ بُزُرگ (۶:۱)
اخطار دَ بارِه گُمراهی (۷:۱)
خُداوند ره پُرمُشت نَکُنِید (۸:۱)
اخطار دَ بارِه مغرُور شُدو (۹:۱)
نتِیجِه نافرمانی از خُداوند (۹:۷)
دُو لَوحِ سنگی نَو (۱۰:۱)
ترس از خُداوند (۱۰:۱۲)
اَجرِ اِطاعَت از خُداوند (۱۱:۸)
خُداوند ره دَ جای عِبادت کُنِید که اُو اِنتِخاب مُونه (۱۲:۱)
اخطار دَ بارِه پرَستِشِ خُدایونِ دِیگه (۱۳:۱)
چِیزای پاک و نَجِس (۱۴:۱)
دَ بارِه دَه-یگ (۱۴:۲۲)
سالِ بخشِیدونِ قرض ها (۱۵:۱)
تقدِیم کدونِ اوّلباری چارپایا (۱۵:۱۹)
عِیدِ پِصَح (۱۶:۱)
عِیدِ هفته ها (۱۶:۹)
عِیدِ چَپری ها (۱۶:۱۳)
تعیِین کدونِ قاضی ها (۱۶:۱۸)
بُت پرَستی نَکُنِید (۱۶:۲۱)
قضاوَتِ قاضی ها و پیشوایو (۱۷:۸)
مُقرَرات بَلدِه پادشاه (۱۷:۱۴)
حقِ لاویا و پیشوایو از هدیه ها (۱۸:۱)
اخطار دَ بارِه کارای نفرَت‌انگیز (۱۸:۹)
وعدِه ظهُورِ یگ نَبی رقمِ مُوسیٰ (۱۸:۱۵)
شارای پناهگاه (۱۹:۱)
قانُون دَ بارِه شاهِد (۱۹:۱۵)
مُقرَرات بَلدِه جنگ (۲۰:۱)
مُقرَرات بَلدِه قتلی که قاتِل معلُوم نَبَشه (۲۱:۱)
مُقرَرات بَلدِه توی کدو قد خاتُونِ اسِیر (۲۱:۱۰)
حقِ باچِه اوّلباری (۲۱:۱۵)
باچِه یاغی (۲۱:۱۸)
دستُورای دِیگه (۲۱:۲۲)
مُقرَرات دَ بارِه رابِطِه زَن و شُوی (۲۲:۱۳)
مُقرَرات دَ بارِه کسای که دَ جماعت داخِل شُده نَمِیتَنه (۲۳:۱)
پاک-و-مُقَدَّس نِگاه کدونِ خَیمه‌گاهِ نِظامی (۲۳:۹)
احکامِ مُختلِف (۲۳:۱۵)
هدیه های حاصِلِ نَو و دَه-یگ (۲۶:۱)
پَیرَوی از احکامِ خُداوند (۲۶:۱۶)
قُربانگاه دَ کوهِ عیبال (۲۷:۱)
نالَت ها از کوهِ عیبال (۲۷:۹)
بَرکت بَلدِه اِطاعَت کُنِنده ها (۲۸:۱)
نالَت بَلدِه نااِطاعَتی (۲۸:۱۵)
خُداوند عهد خُو ره قد اِسرائیل تازه مُونه (۲۹:۱)
نتِیجِه پس اَمَدو سُونِ خُدا (۳۰:۱)
اِنتِخابِ زِندگی یا مَرگ (۳۰:۱۱)
خُدا بَلدِه یوشِع وظِیفه مِیدیه (۳۱:۱)
خاندونِ احکامِ تَورات (۳۱:۹)
سرُودِ مُوسیٰ (۳۱:۳۰)
خُداوند مُوسیٰ ره از مَرگ شی باخبر مُونه (۳۲:۴۸)
دُعای بَرکتِ مُوسیٰ بَلدِه قَومِ اِسرائیل (۳۳:۱)
فَوتِ مُوسیٰ (۳۴:۱)