عدَدها
کِتابِ تَورات - بَخشِ چارُم
پیشگُفتار
عدَدها کِتابِ چارُمِ تَورات اَسته. نامِ کِتابِ ”عدَدها“ از دُو سرشُماری گِرِفته شُده که یکی از مَوضوع های مُهِمِ امزی کِتاب اَسته.
کِتابِ عدَدها دَ بارِه سَفرِ بَنی اِسرائیل از کوهِ سِینا تا دَشتِ موآب، یعنی تا سرحدِ سرزمِینِ وعده شُده و واقِعه های که دَ بیابو رُخ دَد، معلُوماتِ کَلو دَ دِسترَس قرار مِیدیه؛ امچُنان دَ بارِه ازی که بَنی اِسرائیل دَ خُدا اِعتماد نَکد و نَرفت که سرزمِینِ کِنعان ره تَصَرُف کُنه؛ دَ نتِیجه، خُدا اُونا ره جَزا دَده تقرِیباً چِل سال دَ بیابو سرگردو کد تا پگِ ازوا از بَین بوره و سرزمِینِ وعده شُده ره نَنگره، غَیر از یوشِع و کالیب.
دَمزی کِتاب خُداوند بار بار دَ بَنی اِسرائیل نِشو مِیدیه که اُو مُقَدَّس اَسته و فِکر شی سُون قَوم شی اَسته، امچُنان اِی که خُدا بَنی اِسرائیل ره بخاطرِ ایمانِ ضعِیف، نااِطاعتی و سرکشی شی جَزا مِیدیه، ولے کامِلاً نابُود نَمُونه. اِی که خُدا نَمیخاست بَنی اِسرائیل ره کامِلاً نابُود کُنه، اینی یگ نَمُونِه شی اَسته: وختِیکه بَنی اِسرائیل دَ دَشتِ موآب رسِید، دُشمنای ازوا یگ جادُوگر ره کِرا کد تاکه اُو بَنی اِسرائیل ره نالَت کُنه، لیکِن خُدا دَ دانِ امزُو جادُوگر بَرکت های پِرَیمو و وعده های کَلو ره قرار دَد تا اُو بَنی اِسرائیل ره بَرکت بِدیه.
کِتابِ عدَدها کَلو تاکِید مُونه که خُدا باید بطَورِ مُناسِب دَ جایگاهِ مُقَدَّس عِبادت شُنه، امچُنان دَ بارِه قانُونای مُختلِف که مربُوطِ پاکی و ناپاکی مُوشه و دَ بارِه اصُولِ رقم رقم که مربُوطِ لاویا و خصُوصاً مربُوطِ پیشوایو مُوشه معلُومات مِیدیه.
مَوضوع های کِتابِ عدَدها مِیتَنه اینی رقم جَمع-بَندی شُنه:
فصل های ۱ تا ۹ سرشُماری اوّل و آمادگی بَلدِه سَفر سُون سرزمِینِ وعده شُده.
فصل های ۱۰ تا ۲۱ سَفر از کوهِ سِینا تا منطقِه پاران، جاسُوسی از سرزمِینِ وعده شُده، سرکشی و نااِطاعتی بَنی اِسرائیل از اَمرِ خُداوند و داخِل نَشُدونِ ازوا دَ سرزمِینِ وعده شُده و نتِیجِه سرکشی و نااِطاعتی.
فصل های ۲۲ تا ۲۵ حِمایتِ خُداوند از قَوم اِسرائیل باوجُودِ سرکشی و نااِطاعتی ازوا و اِدامِه بَرکتِ خُداوند بَلدِه بَنی اِسرائیل.
فصل های ۲۶ تا ۳۶ سرشُماری نسلِ نَوِ بَنی اِسرائیل و جای-دَ-جای شُدونِ دُو و نِیم طایفِه ازوا دَ شَرقِ دریای اُردُن.
فهرِستِ عِنوانها
اوّلِین سرشُماری مَردای بَنی اِسرائیل که مِیتنِست شامِلِ لشکر شُنه (۱:۱)
ترتِیبِ خَیمه‌گاهِ طایفه ها (۲:۱)
سرشُماری و مُقرَر شُدونِ لاویا بَلدِه خِدمت (۳:۱)
وظِیفِه اَولادِ بابه های قُهاتیا (۴:۱)
وظِیفِه اَولادِ بابه های جِرشونیا (۴:۲۱)
وظِیفِه اَولادِ بابه های مِراریا (۴:۲۹)
سرشُماری خِدمتگارای طایفِه لاوی (۴:۳۴)
پاک نِگاه کدونِ خَیمه‌گاه (۵:۱)
جُرمانِه خطا (۵:۵)
خاتُونوی که زیرِ شکِ شُوی خُو قرار مِیگِیره (۵:۱۱)
قانُونِ نَذر (۶:۱)
بَرکتِ پیشوایو بَلدِه بَنی اِسرائیل (۶:۲۲)
هدیه ها بَلدِه تقدِیسِ جایگاهِ مُقَدَّس و وَقفِ قُربانگاه (۷:۱)
آماده کدونِ چِراغ ها (۸:۱)
پاک کدو و وَقف کدونِ لاویا (۸:۵)
دوّمِین عِیدِ پِصَح و مُقرَرات شی (۹:۱)
آوُرِ آتِشی (۹:۱۵)
دُو شیپُورِ نُقره‌یی (۱۰:۱)
کوچ کدو از بیابونِ سِینا و ترتِیب شی (۱۰:۱۱)
شِکایَتِ بَنی اِسرائیل (۱۱:۱)
اِنتِخابِ هفتاد رهبر (۱۱:۱۶)
خُداوند بودَنه ها ره رَیی مُونه (۱۱:۳۱)
شِکایَتِ مریَم و هارُون (۱۲:۱)
جاسُوسی از کِنعان (۱۳:۱)
پس اَمَدونِ جاسُوسا (۱۳:۲۵)
نِق نِق و شورِشِ قَومِ اِسرائیل (۱۴:۱)
معلُوماتِ کَلوتر دَ بارِه مُقرَراتِ قُربانی ها (۱۵:۱)
جَزای کسی که مُقرَراتِ روزِ آرام ره مَیده مُونه (۱۵:۳۲)
یاغِیگری قورَح، داتان و اَبِیرام (۱۶:۱)
تَیاقِ هارُون شِگوفه مُونه (۱۷:۱)
وظِیفِه پیشوایو و لاویا (۱۸:۱)
حقِ پیشوایو و لاویا از هدیه ها (۱۸:۸)
خگِشترِ گاوِ سُرخ (۱۹:۱)
وَفاتِ مریَم و آو از قاده (۲۰:۱)
اِدومیا دَ بَنی اِسرائیل اِجازِه تیر شُدو ره نَمِیدیه (۲۰:۱۴)
وَفاتِ هارُون (۲۰:۲۲)
پیروزی دَ بَلِه کِنعانیا (۲۱:۱)
مارِ برونزی (۲۱:۴)
سَفر دَ موآب (۲۱:۱۰)
پیروزی دَ بَلِه اَموری ها (۲۱:۲۱)
بِلعام و پادشاهِ موآب (۲۲:۱)
موآب بَنی اِسرائیل ره گُمراه مُونه (۲۵:۱)
سرشُماری نسلِ نَو (۲۶:۱)
دُخترونِ صِلُفِحاد (۲۷:۱)
یوشِع جانِشِینِ مُوسیٰ مُوشه (۲۷:۱۲)
قُربانی های روزانه (۲۸:۱)
قُربانی روزِ آرام (۲۸:۹)
قُربانی ماهوار (۲۸:۱۱)
قُربانی های عِیدِ پِصَح (۲۸:۱۶)
قُربانی بَلدِه عِیدِ هفته ها (۲۸:۲۶)
قُربانی های عِیدِ شیپُور ها (۲۹:۱)
قُربانی روزِ کِفاره (۲۹:۷)
قُربانی های عِیدِ چَپری ها (۲۹:۱۲)
مُقرَراتِ دَ بارِه نَذر (۳۰:۱)
جنگ قد مِدیانی ها (۳۱:۱)
طایفه های شَرقِ دریای اُردُن (۳۲:۱)
مرحَله های سَفرِ بَنی اِسرائیل از مِصر تا دَشتِ موآب (۳۳:۱)
سرحدای کِنعان (۳۴:۱)
شارا بَلدِه لاویا (۳۵:۱)
شارای پناهگاه (۳۵:۹)
مُلک-و-زمِینِ دُخترونِ صِلُفِحاد (۳۶:۱)