SRAT GI NICAN DI PAULUS PAS
MEM MBUSYAMEI EI MINU NDIG
TESALONIKA
NIHYET GI BIBIE TUT
Yo di mbusyamei ei minu ndig Tesalonika ingon kiowi tut Kristus nikwei hanyenti lene gini bindei ba, mun di kinei srou yok. Paulus pas nide Srat Gi Nican Mem Mbusyamei Ei Minu Ndig Tesalonika leu binhyepo ndo puig di bie tut yok bingwes ngun leu mun di srou yok. Yo dima ikan bigya tto bou mem Kristus nikwei hanyenti njiriek leu su. Paulus srep bipia ikanti dima ne ikiowiti bibor. Lewo nipou tirigi Kristus kwei hanyen ei dihyeisi dini bigyo ne No Di Ba Nitok Bak Allah di tte tut Kristus mittau kwei biyok nisinsiou ei tungwatu dihyeisi diniti.
Paulus sok kep yo di ikwop kep srat dini bipia mbro nok gino yuum kep mun di buhun ba, suar igyai ninghuisi di wei mem nijam di ingat rin ei dihyeisi yo lo, suar ita ibou ei ide niba ningon com Kristusti. Paulus pingok ingonti leu binhyepo inda jo kep ide midyai nya leu binhyepo mun di isuar dima dem mem yok bit leu nok noni kin nisut bat nya igyai kepti bita ibou ei ningondut yamti.
Nirop Ninda Ndigsi
Paulus pigo mbusyamei ei minu ndig Tesalonika 1:1-2
Noni ba ninggei sut Allahti bibiwin kep ingonti 1:3-12
Nimbot kep tut Kristus nikwei hanyenti 2:1-17
Nipingok ingonti tut igyai munti nya drek dip gi inok yo di Kresten 3:1-15
Paulus kes nihyet hon 3:16-18