SRAT DI PAULUS PAS GI NIGOM MEM
TIMOTIUS
NIHYET GI BIBIE TUT
Timotius ne pinjoi pilei di Kresten di nitimieisi leu hanjop Asia Mien ri. Noni ba no bikum Paulus nok nisut di hati tut noni bitut nide midyai nya. Timotius nicig mben Yunani lo, nipmem mben Yahudi. Paulus pas Srat Gi Nigom Mem Timotius leu binhyepo bipingok Timotius ningonti tut mun nyeng ningai di bicim tindei yam.
Gi nigom lene Paulus pus kiek Timotius ningonti tut nihyet nitrowai di srou yo di mbusyamei. Nihyet nitrowai nitriti ntun mben Yahudi kin ngkiai nya ingon kanti di srig yamti him. Yoni itri tut bipia Allah nipai testi hagom kinei lene tungwatu nya igyai niteu leu sisarti kin niyaijo nijep tug hon ide ningon ki tut mimunti kin noom no leu niyem njita ninyeng poisi kin niwak yam bisi.
Gi nican lene Paulus ngginau Timotius tut nibou mbusyamei igyai munti nya bingginau noni tut ninyohou dimig njap nigwam kep ninghuisi nimbutti kin yo di inggre kin mbusyamei igyai munti nya. Noni ndo nibou mbusyamei kin yo di yahati tut yok nya igyai munti di kei bibor brei bak Timotius.
Gi niningai lene Paulus ningginausi tut notou Timotius yai midyai nok awak di kei bibor mem Yesus Kristus kin niyok niyai kep nimpung nya di ter leu yam ei mbusyamei nya ikieti cem.
Nirop Ninda Ndigsi
Paulus pigo Timotius 1:1-2
Ningginausi tut yo di mbusyamei kin nibou di ibie tut yok 1:3--3:16
Ningginausi tut midyai di suar Timotius yai nok nibou mbusyamei 4:1--6:21