Nadi nahara mem Allah nimpu noti
142
1 Daud ba doia bikiek ningginausi tut ninang coi hak mihyeti.2 Diba nadi bahara bak TUHAN. Diba dihyet di nindig bahara Noni kwei bimpu da.
3 Dinso-nso nyen ei Noho bei bidipai sut mun di buhun tak da hagom bak.
4 Mpe di dingon ngkwei leu lene Nani abie tut da ba, anyohou da kak dimbutti. Siceu nya iba niku bindin bon ser puig di dimbut kak tu.
5 Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.
6 TUHAN e, dahara Na lewo Nani ne mpia di dinang coi ri. Disuar Nangkom he mem nijam di diyaijo ei dihyeisi dini.
7 Angig atingou mem dihyet lewo mun di buhun bibor cut igkep da biyai ninghuisi di wei bida. Ateu da bidingwes ngun leu siceu nya inda nsi lewo isindemti dor njiriek da.
8 Akwek da leu ig bui nsie dini leu api midikon anyeng ei yo di idem yam ei Ade ig mbusyamei nya ikieti drek dip Ade nisingat tut dati.