SRAT NIPINGOK TUNGWATU NYA INGONTI
NIHYET GI BIBIE TUT
Srat Nipingok Tungwatu Nya Ingonti pai sut Allah de nipingok tungwatu nya ingonti leu binhyepo igyai munti nya kin igyaijoti kwes kei. Ayat nimang ndig ndo Allah ningon kanti mem mun di pek kep mem tungwatu nya bikwop njap-njap. Nitriti sok kep nye <<Gino tungwatu nya ibingwam kep ingon kiti lene ma ikuk yok bak TUHAN bittin tut Noni bibie ug e.>> Leu api srat dini pingok nye tut notou ikuk nye bak Allah nok igbit cem tut mun di bindei ba, ipmem bat nya imiep ingon cem tut ide nisingat keisi cem. Ayat di cun bibor nimang ndig tibim ei mben Israel nya ide guru nya yuhui him ei nimbie him ngat ba, ngginau nye tut notou no di ningon ki buhup mun di pek kep mem noni bikwop njap. Bihi pingok nye tut ig bei nsi nya ibuhup biyamti kin niba ningon srenti bitri-bipek munti kin iba nisingat keisi birop biyam kin noom ingonti cem. Ayat mang bibor mbot kep tut nisinati mem gima iba ibou coi mem yam kin ingon jo nyahan kin ingondut yo di yuhui mbum nya kin ingon di gom tut inttig-tta nya cem.
Nirop Ninda Ndigsi
Ninggei sut ningon kiti 1:1--9:18
Salomo de nipingok tungwatu nya ingonti 10:1--29:27
Agur ningginausi nya 30:1-33
Lemuel ningginausi nya 31:1-9
Sop wak cam di ningon ki niyai munti nya 31:10-31