MAZMUR DI MBEN ISRAEL IBA DOIA BIPAI
NIHYET GI BIBIE TUT
Mazmur Di Mben Israel Iba Doia Bipai ne Allah de srat doia kin srat ningginau tungwatu nyati tut nadi ri. Mben Israel imbus doia kin nadi dini di tungwatu nya ibou poi ipas ei mem nijam di jei bibor dima. Iba doia kin nadi dini yok bikuk yok bak Allah mem ide njap ndig leu api ei nidipti bu lene icim srat dini kin srat nindigsi nya ei yamti ba, ijem ninyeng Gi Preu Nitimiei.
Mazmur dini bitut doia nibinggei sut Allahti kin doia nibikuk no biNoniti ter leu yam. Bihi nok nadi di tungwatu nya indat kep leu binhyepo Allah mpu yok cem nyohou yok cem teu yok ba, ingwes ngun cem kos ser ide sisar cem. Bihi nok doia di ibipai sigyo bak Noni mem mun di kei kin doia di ibibrim leu binhyepo Allah kes hukum ei ide siceu nya dip cem. Nadi dini bihi mem no di ngat nadi bak Allah binongkom lene bihi mem Allah de limwa nya di iba ighyet di tot kep yam hyet bingat nadi nok gom bak Noni. Lene nadi bihi mem no di ndo ningon bei kanti bak Allah ba, bihi mem Allah de limwa nya di yahara Noni tut mun di buhun tak yok.
Yesus krau kep srat Mazmur lene yo di ipas kep Gi Preu Nijep ikus ayat leu srat dini cem. Yo di ingon jo kep Yesus iba srat dini bibikuk yok bak Allah habiei ei mbusyamei Kresten nitriti cem.
Nirop Ninda Ndigsi
Srat Mazmur titut bon nimpung muhwi
Mazmur Nimpung Gi Nigom 1--41
Mazmur Nimpung Gi Nican 42--72
Mazmur Nimpung Gi Niningai 73--89
Mazmur Nimpung Gi Nibitai 90--106
Mazmur Nimpung Gi Nimuhwi 107--150