MAZMUR DI MBEN ISRAEL IBA DOIA BIPAI
NIMPUNG GI NIGOM
MAZMUR KIN DOIA 1--41
Ningon di nggei-hi-nggei di nijit
1
1 Bikwop no di bit yo di isibut nya ide nipingok noti cem yai bram yo di ibon kep sisar nya igyai kepti bi tti kin yo di ighyet wer mpiahi tut Allah cem bi, 2 noro ngat ningwes ei TUHAN nihyetti ba, kan-kan nyen tut nihyet dima bikwop mmun-njap bipwoi ei ningonti ne ningon nggei-hi-nggei.
3 No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.
4 Noro ningat di kei ntun no di sibut de midyai nya him kan bi. Noni dem kep nok gandum nisina di hou yai bidimbos bingwig.
5 Allah ne nikei di pai kep yo di ibon kep sisar nya he bi noro mimbres yok bijo ter leu nide limwa nya.
6 Lewo TUHAN bie tut yo di ingon sren nya binyohou yok noro yo di isibut nya no ikak puig di bie ndam nimai.