Nadi nahara mem gima Allah bindei timek ide siceu nya
129
1 Doia nikui ug ei Mbigdip Sion.Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.
2 Nyende siceu nya ihwen bit nye habiei nijam di nipilei yo kwei su. Noro gi mbun igibindei timek nye kan bi.
3 Ibindei bininghim bok-ba lene nibokti wim nye dem kep nok no di wim dihyei di ninggiluk dor buug ninno ei miaisi pimo.
4 Noro TUHAN di ningon sren-srau kwek nye leu gi yuubon nye nok awak.
5 Nnaba Allah bindei timek yo di ingon mpo tut Sion yahagom ba, hwen yok bisujou kep inghim dip ug e.
6 Nnaba idem kep minta di hei ei cau dip di mui hanyen nipou tirigi mahan bigyo.
7 Hi di len minta dima bike ningot cem bi.
8 Yo di injiriek mpia dima mipigo je <<Ma TUHAN njei mun di kei bije, nyeni ningat nadi tindei mun di kei bak jeni cem>> e? Yoni mipigo jeni nok gima bi.