Nadi nahara mem Allah nimpu noti
130
1 Doia nikui ug ei Mbigdip Sion.Allah e, dahara Nani lewo mun di buhun bibor kat da dem kep nok dicut ug ei pimbien di jut biborti.
2 TUHAN e, angig atingou mem dihyet tirigi dahara Nani ba, ayok ngon kep mun di dahara Na tut.
3 Gino apas kep nyende sisar nimangti ei ade daptarti lene tou riningwes ngun leu hukum i?
4 Noro akos ser nyende sisar leu binhyepo nyeni ninyohou bit ahyet.
5 Dibet dingon mem TUHAN di mimpu da lewo diba dingon com Noni nihyet.
6 Dibet dingon mem TUHAN nindig dor njiriek nohou-hou nyen cig nya di ibet ingon mem mpia tekti.
7 Je di mben Israel e, ma jiba jingon com TUHAN lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.
8 Noni miteu nide limwa di mben Israel leu ide sisar nya hagom.