No di ningon gom de ig bei nsi nya mitug ndei mun di kei
128
1 Doia nikui ug ei Mbigdip Sion.No di ningon gom tut Allah bidimig niyaijoti bibit Allah nicukti ningon nggei-hi-nggei.
2 Ma ayem njita leu ade midyai di ayai nya ba, mun nyeng hagom midem mem na lene abong kei agwam kei cem.
3 Atnem midem kep nok ba anggur di nnum kei ei ade ig ba, amunggwom bat nya midem kep nok biei zaitun kioi ttai ade meja.
4 TUHAN minjei mun di kei dima bak no di ningon gom tut Noni.
5 Ma TUHAN di gwam ei Sion yai gi kei bina. Ma apriet kin timiei minu ndig Yerusalem ide nibong kei nigwam keisi kikau ba, aug bimai kep!
6 Ma ade njap jei ba, angat agnyon bat nya bou ayai him!
Allah e, ma asindui sut ba Ade limwa nya ibong kei igwam kei!