Nadi mem gima TUHAN mpu Nide limwa nya
12
1 Doia Daud mem no di bie tut doia nimpung di ibrim leu doia gi nimuhwindaningai.2 TUHAN e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.
3 Yahagom iba nihyet di mmau bipai mun di igbit bi biyam ba, iris mun biyam nyen cem.
4 TUHAN e, akimut anda kep yo di iba ighyet di mmau biti mun. Idem kep yo di insi bbed-bau di ipai,
5 <<Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!>>
6 TUHAN pai <<Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.>>
7 TUHAN de nipreu ei mem nyeti nya nggek jei bi ba, noyam kin perak di pimbai kei di ikwen ei humti.
8 TUHAN e, anyohou nyeni ba, angkiem ser nyeni leu yo di isibut nya.
9 Lewo yo di isibut nya intek bigya tirima-tirima ba, bikwop tungwagom-gom kon mun di kinei bibor bijo anai.