Mazmur 13

Nadi leu no di nide siceu nya ico kep no

1 Doia Daud mem no di bie tut doia nimpung

2 TUHAN e, abbwe ser da ug bipek mpe di tou i? Aku Na leu da ug bipek mpe di tou i?

3 Suar dibiang mun di buhun ba, dingon ngguk ei njap jei ug bipek mpe di tou i? Ditde siceu nya mico kep da ug bipek mpe di tou i?

4 Ditde TUHAN Allah e, atou kep da ba, abuhup ditde nadi. Angkwei ditde nisindemti bida hanyen lene ma asindui sut ba, dimai hak au.

5 Ma asindui sut ditde siceu nya bipai bipia ibindei timek da tu au. Ma asindui sut ba, ingon kei kep da bimbos-hi-mbos kep da au.

6 Lewo diba dingkiem bisu angon ngakei dati. Apino midiyai nillei lewo ateu dani bidingwes ngun. Midipai doia ba, dibinggei sut TUHAN lewo Noni singat tut da!