TUHAN ne mpia di igya coi ri
11
1 Doia Daud mem no di bie tut doia nimpung.Diba dingon com TUHAN bidiya coi Noni. Dem tut gima hi pai bida <<Anang ba, angwes ngun nok ha di dimba ug ei nungug him,
2 lewo yo di isibut di iku yonti ei nidinditi isror tibor bibicom bisinei mem gima iprindei yo di ingon gom nya. E bi! No dima nuhui buwei.
3 No di ningon sren mibon mindei gino tungwatu nya ide nibon munti nya nggek sinsiou tu i?>>
4 TUHAN Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.
5 TUHAN gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.
6 TUHAN ba mun di buhun bibor kin humf kin aspal nggei kin hou di dut bibor di yem yok binggus bikes hukum ei yo di isibut bibor nya dip.
7 TUHAN singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat TUHAN Ningat igbit.