SRAT SAMUEL GI NIGOM
NIHYET GI BIBIE TUT
Srat Samuel Gi Nigom nitriti pai sut nijam nikei nya ningwigsi lene pai sut notou mben Israel ide nibou ndig gi nigom kiju ba, ninyeng tak kep yok. Lene pai sut ibou ningai di ibon inyeng ei nijam dini ba, inyeng rino Nabi Samuel kin Nibou Ndig Saul kin Nibou Ndig Daud. Daud niyai munti nya kin mun di pek kep mem noni tirigi noni nok pinai pilei he hagom ket ei Samuel kin Saul igyai munti nya.
Mun di bon ninyeng ei srat diniti noyam kin srat Gi Preu Nitimiei nindigsi pai sut mben Israel ide nibohon bipia ningat di kei bibor mintun no di ningon gom tut Allah noro no di bit nihyet bi mitug ndei mun di buhun bibor. Mun dini ne nijit rin ba, jo nibreisi tug hon Srat Samuel Gi Gom 2:30 ninggrupti tirigi TUHAN sok kep Imam Eli bipai binoni <<Hon kep ammani kui lene midijoi sut yo di ikuk yok biDa lene midingon mpo tut yo di ingon mpo tut Da.>>
Gi jo nibreisi ei srat diniti ne mben Israel bihi ingon kiowi tut gino mben Israel isuar nibou ndig di ninyeng mitak kep yok rin ba, ingon nddong tut bi. Imang bibor ikan tut bipia TUHAN Nongkom rinok ide nibou ndig. Noro Noni ndo tungwagom nok nibou ndig di ninyeng tak kep yok bit leu yonti ingon kanti. Mun nyeng gom di bon ninyeng mem yok rinok gini. Suar nibou ndig nonti kin nide limwa nya yahagom ikuk yok bak Allah di nok nikei di sindem mem gima kes hukum ei yok dip (2:7-10). Suar nikei nikos tutti di sren kei nya hagom mbut sindem mem yo di inyeng kin yo di yuhui mbum yahagom noyam bit leu nok Allah de nikos tutti nipaisi.
Nirop Ninda Ndigsi
Samuel bie tut mben Israel 1:1--7:17
Samuel ta Saul nok nibou ndig 8:1--10:27
Saul kinyon ei midyai nibou ndig mem mben Israel 11:1--15:35
Daud kin Saul igyai munti nya 16:1--30:31
Saul kin nipmot bat nya imaisi 31:1-13