SRAT SAMUEL GI NICAN
NIHYET GI BIBIE TUT
Srat Samuel Gi Nican binut Srat Samuel Gi Nigom nipai mun tut mben Israel lene pai sut Nibou Ndig Daud di ninyeng tak kep keret Yehuda ei minu dima bei mpia nibiho (pasar 1-4) lene tut ninyeng di tak kep mben Israel yahagom (pasar 5-24). Nipai mun tut Daud di brim ningkek mem ninyeng tak kepti dini jo nibreisi ba, brim nyeni ingon cem. Noni kon pran bit ngkiai nya di isrig mben Israel ikieti kin ngkiai nya di ibong minu ting cem. Srat dini pui sut Daud di ningon gom tut Allah bibit nihyet nindig bibor cem. Noni bindei ba, nide limwa nya cem ingon gom tut noni. Noro mpe hi bu lene noni ba nisibut biyai mun lene, bon sisar di buhun bibor haninyai bit leu ningon kanti cem bi. Noro tirigi Allah de nabi Natan pai kep Daud tut nide sisar lene noni ttin ser sisar dima biba nibou coi mem hukum di Allah mikes ei noni dip.