SRAT RUT
NIHYET GI BIBIE TUT
Nipui mun tut Srat Rut pek kep mem noni mem nijam nikei nya tirigi mun di buhun bibor cut igkep mben Israel. Rut di timiei minu Moab wak nijjep di mben Israel gom. Tirigi nijjep mai su lene Rut brim ningkek ba, ningon gom tut nignyot di mben Israel ba, kuk no bak mben Israel ide Allah cem. Nipui mun ninggrupti pui sut Rut di wak nijjep Boas. No dini tig mbier tut Rut nijjep po mai su pima apino niwak yamti dima bindei ba, mben Israel ide nibou ndig di ninyeng jei bibor dor njiriek ide nibou ndig nindigsi nya jem Rut nok nidigup.
Nipui mun tut nijam nikei nya pui sut mun di buhun bibor di cut igkep mben Israel tirigi ibit Allah nihyet bi. Noro nipui mun tut Rut pui sut mun di kei bibor di pek kep mem ngkiai gom di bit Allah nihyet. Rut de ningon jo kepti bindei ba, nimbier kim mben Israel bu.
Nirop Ninda Ndigsi
Naomi ngkwei hanyen ug ei Betlehem leu api Rut bit 1:1-22
Rut ug um Boas 2:1--3:18
Boas wak Rut nok nitnem 4:1-22