Erko Erkampakko Petʼiroose Lankay
Inthawte
Erku Lankay Erkampakko Petʼiroose kristanaadhdhe kedhdhay xayto pile pileete qaghanukki atooxi. Olho ana maallay tooxikka kodhmo magha kollisampawhe aayyanapa kollinko huusundhi qagho korito xarkishamina kalla qhamu he tiqannennu. Rakkussa haqiisi ishighenu olho gheeqasa, qhamo kollinkossi he Iyyesusesi ehxhxettay hiʼeppa ikkollisanakka qhaamettay apaqhonki ine likkase kula qhoota Haallikkitopa qhoota Pogholho Iyyesus Kristoose arno dhukatte tayadhe. Karo ghulattay tooxampakkussa olhu uuma kokkisi kollinkossi aayya iyyana: “Kristoose laanka ye holli” kaaiʼta. Ihhasa qalladhanakka Kristooseesi laanka holeete olho Uso olthisna, Haallikko koro kaasay qhamu cʼuppito karo Huusu hollinu dhiishoy qhamu panninu qhooti ye woʼi maallay.
Olho Matʼaafi Ghapadhi
Inthawte 1:1-2
Olho qhawho dhukkaysadhana gheeqama 1:3-21
Kollisampawhe aayya 2:1-22
Laanka okaye Kristoose 3:1-18