Erko Petʼroose 1
Erko Erkampakko Petʼroose Paayyotatte
Inthawte
Erku payyotatte erkampakko Petʼroose tooxi warshossi Haallikkito qhollammi piyye Iisiyanna karo qilo illena kaalla pullaminu. Erku olho ana maallay tooxikka korossi nappapa dhukkaysadhe maallay ghoghorameppa rakko na dhaghghapuusi hxasesepa dhikitisenu. Olho ana maallay hasa kodhikka otessi xeesay Iyyesus Kristoose fartepa haqmakkopa kippo laanka hoole huusu qallaasi he nappapana thaayisenu. Qagho Iyyesus Kristoosesikki lighno kodhipa rakkoosi dhuupaythettay akkadhe qhamu usundhe gheeqasiisi isi usundhe dhihama. Nakalakka rakko qhamu dhukunko dhukkaysadhe thuusuundina themminipa kuyyaqko Iyyesus Kristoose ximpadhina hxaayye gheeqasa tayadhonkiki na thaayisi. Rakkito dhuupadhe qhamu alkasnennu usundhe shahxumise malettay he nappapa qhamu koro Iyyesus Kristoose dhukkaysadha qaaki kula qaaknekki nu qalli.
Olho Matʼaafi Ghapadhi
Inthawte 1:1-2
Dhinise Haallikkito 1:3-12
Dhihamte aqhoota qagho kʼulkʼullunkito qaakenu teexi 1:13-2:10
Kuyaqako rakkitona kodhmo kristaanadheete 2:11-4:19
Kodhmo kristaanadhe thoodhunottay kodhe 5:1-11
Dhikkatte 5:12-14