Erko Yaykʼoope
Inthawte
Erku Yaykʼoope kristaaninkoosi qhamu kodhmottay hiʼaase gheeqastiisikki thorruy. Koro anu erku tooxikka kafkossi Israʼeelatte hudhdhanpa lakki piyye qhaatʼe kaasay pullamennu. Kafkossi Israʼeelatte hudhdhanpa lakki payyo qhamo dhihadhe tooxampakunna kula payni ayhudhadhessi Iyyesus Kristoose dhukkaysadheppa piyye qhaatʼe kaasay pullamonki. Ho erkuusi tooxi Yaykʼoope qaso Pogholho haani Iyyesus Kristoose (Math. 13:55-56; Kal. 1:19); xinki erkuusi tooxina uso inthawmpakko koro dhukkaysadhana ye kodhdhe hxurri (Erk. 21:18). Erkampakussa ittooxana arnanessi aʼine teexisi qhama mala kodhmito nakeesnanisikki qalli. Kristaanadhdhe qhamu mala ille cʼikadhe gheeqastipa qhoota kʼalpe xeesa sheeghe kaʼitha qallithe koronu xullattay isi dhihaamte teexa, holuppa olho kristaanadhdhe kodhe gheeqastiisi ille kala ghadheesoppa xawwadhu. Hussakka qhoota teekolawhatepa ho shorrokatte, qhoota themmatatte, qhoota kʼalpe xeesay, qhoota yokkuntatte, qhoota dhukkaysadhattepa qhoota dhihadhe xeesay, qhoota pakirko qallithe maghappa the gharay kaaʼitha, qhoota arnaneete, qhoota ille paaxete, qhoota he peepetepa laalinkito, qhoota tookkema qhaqhitte qhaqhe, qhoota olho pilettay pepadhatte, qhoota dhupaythattepa ho ghissotatte kollisi. Erku qagho kristaanukitona dhukkaysadheesi kodhmottay hiʼaasesikki ghulasipa isi qalla.
Olho Matʼaafi Ghapadhi
Inthawte 1:1
Dhukkaysadhepa arnane 1:2-8
Teekunkopa shorokunko 1:9-11
Themmatte 1:12-18
Kʼaale Haallikkitoosi apaqhepa kodhe 1:19-27
Teekolakoosi dhafe qhamu ye gheeqsati 2:1-13
Dhukkaysadhepa kodhmo 2:14-26
Kristaanunkopa qalithe thuusu 3:1-18
Kristaanunkopa qaako piyyatte 4:1-5:6
Dhihaamte aqhoota olho qawuni qawuni kaaʼitha teexi 5:7-20